३ वटा क्यासिनोलाई रकम बुझाउन ५ दिने अल्टिमेटम

अर्थ

गृहपृष्ठ
अर्थ
३ वटा क्यासिनोलाई रकम बुझाउन ५ दिने अल्टिमेटम

३ वटा क्यासिनोलाई रकम बुझाउन ५ दिने अल्टिमेटम

शुक्रबार, चैत ११, २०७८ बागेश्वरी पोस्ट

नेपालगन्ज । सरकारलाई बुझाउनुपर्ने बक्यौता रकम नबुझाउने ३ वटा क्यासिनोलाई पर्यटन विभागले ५ दिने अल्टिमेटम दिएको छ । विभागले ५ दिनभित्र ९० करोड ५५ लाख ७६ हजार रुपैयाँ बक्यौता बुझाउन अल्टिमेटम दिएको हो ।

संस्कृति, पर्यटन तथा नागरिक उड्डयनमन्त्री प्रेमबहादुर आलेले बक्यौता रकम असुल गराउनका लागि अल्टिमेटम दिन मन्त्रिस्तरीय निर्णय गराएसँगै ३ क्यासिनो कम्पनीलाई अल्टिमेटम दिइएको पर्यटन विभागका होटल तथा क्यासिनो हेर्ने अधिकृत खेमराज जोशीले बताए ।

उनले भने, “मन्त्रीज्यूले मन्त्रिस्तरीय निर्णय गरी बक्यौता बुझाउनका लागि अल्टिमेटम दिन निर्णय गर्नुभएको छ, हामीले रकम बुझाउन पाँच दिनको सूचना प्रकाशन गरेका छौँ, नबुझाए कारबाही हुन्छ । ”विभागले एक सार्वजनिक गरेको सूचनामा रक इन्टरनेशनल प्रालि काठमाडौंको ३० करोड ३८ लाख रुपैयाँ, ह्याप्पी आवर काठमाडौंको ३० करोड १७ लाख रुपैयाँ र ओरियन्टल होटल्स (र्‍याडिसन होटल) लाजिम्पाटको नाममा रु ३० करोड रुपैयाँ बक्यौता रहेको जनाएको छ ।

ती कम्पनीले पाँच दिनभित्रमा बक्यौता रकम नबुझाए कानुनी कारबाही हुने विभागले जनाएको छ । आर्थिक वर्ष २०७६/७७ सम्मको नियमित रोयल्टी र नवीकरण ९० करोड ५५ लाख ७६ हजार रुपैयाँ उठाउन बाँकी रहेको छ । हालसम्म १७ कम्पनीले रोयल्टी बुझाई सरकारको खातामा रु ८७ करोड राजस्व सङ्कलन भएको विभागले जनाएको छ । हाम्राकुरा

प्रकाशित मिति: शुक्रबार, चैत ११, २०७८ १३:२३

प्रतिक्रिया दिनुहोस्