जानकीमा कांग्रेसका उम्मेदवार एक हजार बढी मतान्तरले अगाडि

आम निर्वाचन-२०७९

गृहपृष्ठ
आम निर्वाचन-२०७९
जानकीमा कांग्रेसका उम्मेदवार एक हजार बढी मतान्तरले अगाडि

जानकीमा कांग्रेसका उम्मेदवार एक हजार बढी मतान्तरले अगाडि

सोमबार, जेठ २, २०७९ बागेश्वरी पोस्ट

नेपालगञ्ज । बाँकेको जानकी गाउँपालिकामा नेपाली कांग्रेसले मतान्तर बढाउँदै लगेको छ । अध्यक्ष र उपाध्यक्ष दुबैमा एक हजार बढीको मतान्तर छ । हालसम्म ७९४२ मत गणना हुँदा अध्यक्षमा छब्बन खाँ २६४० मतका साथ अग्रस्थानमा छन् ।

दोस्रो स्थानमा रहेका नेकपा एमालेका हिमान्शु यादवले १६११ मत र तेस्रो स्थानमा रहेका जसपाका राजिब बर्माले १५७४ मत पाएका छन् । यस्तै उपाध्यक्षमा कांग्रेसकी रामप्यारी यादवले २७६९ मत, नेकपा माओवादी केन्द्रका रक्षाराम बर्माले १४०६ मत र एमालेकी भूमिसरा धितालले १००३ मत पाएकी छिन् ।

जानकीमा वडा नम्बर ३ को अध्यक्षमा भने जसपा र कांग्रेसबीच कडा टक्कर छ । अहिले वडा नम्बर ३ को मतगणना भइरहेको छ । वडा नम्बर १ र २ को गणना सकिएको छ ।

प्रकाशित मिति: सोमबार, जेठ २, २०७९ १६:११