राप्तीसोनारी गाउँपालिकाको अध्यक्षमा कांग्रेसका तप्त पौडेल ८२० मतान्तरले निर्वाचित

आम निर्वाचन-२०७९

गृहपृष्ठ
आम निर्वाचन-२०७९
राप्तीसोनारी गाउँपालिकाको अध्यक्षमा कांग्रेसका तप्त पौडेल ८२० मतान्तरले निर्वाचित

राप्तीसोनारी गाउँपालिकाको अध्यक्षमा कांग्रेसका तप्त पौडेल ८२० मतान्तरले निर्वाचित

मंगलबार, जेठ ३, २०७९ बागेश्वरी पोस्ट

नेपालगन्ज । बाँकेको राप्तीसोनारी गाउँपालिकाको अध्यक्षमा नेपाली कांग्रेसका तप्त पौडेल ८२० मतान्तरले निर्वाचित भएका छन् । पौडेलसँगै उपाध्यक्षमा कांग्रेसकै मनिषा सिंह थारु पनि निर्वाचित भएकी छिन् ।

नवनिर्वाचित अध्यक्ष पौडेलले उनका निकटम् प्रतिद्वन्दी नेकपा माओवादी केन्द्रका पट्टु थारुलाई पराजित गर्दै गाउँपालिकाको अध्यक्षमा निर्वाचित भएका हुन् ।

गाउँपालिकाको अध्यक्षका लागि कुल खसेको मत ३२९६६ मा पौडेलले १०११२ मत प्राप्त गरेका छन् । त्यस्तै उनका निकटम् प्रतिद्वन्दी माओवादीका थारुले ९२९२ मत प्राप्त गरे भने नेकपा एमालेका रामदास थारुले ९१४० मत प्राप्त गरेका छन् ।

उपाध्यक्षमा थारु नेकपा एमालेकी चमेली वागवललाई ७८६ मतान्तरले पराजित गर्दै निर्वाचित भएकी हुन् । नवनिर्वाचित थारुले १०१३४ मत र उनकी निकटम् प्रतिद्वन्दी वागवलले ९३४१ मत प्राप्त गरिन् । त्यस्तै नेकपा माओवादीकी मन्जु रोकायले ८७९३ मत ल्याएकी हुन् ।

प्रकाशित मिति: मंगलबार, जेठ ३, २०७९ ०८:२२

प्रतिक्रिया दिनुहोस्