लमही नगरपालिकामा कांग्रेसका चौधरी र योगी निर्वाचित

आम निर्वाचन-२०७९

गृहपृष्ठ
आम निर्वाचन-२०७९
लमही नगरपालिकामा कांग्रेसका चौधरी र योगी निर्वाचित

लमही नगरपालिकामा कांग्रेसका चौधरी र योगी निर्वाचित

बुधबार, जेठ ४, २०७९ बागेश्वरी पोस्ट

नेपालगन्ज । दाङको लमही नगरपालिकामा नेपाली कांग्रेस विजयी भएको छ । लमहीको मेयरमा कांग्रेसका जोगराज चौधरी र उपमेयरमा लक्ष्मी योगी निर्वाचित भएका छन् । निकटम् प्रतिद्वन्दी माओवादी केन्द्रका बसन्तराज शर्मालाई २०३२ मतान्तरले पराजित गर्दै कांग्रेसका चौधरी मेयरमा निर्वाचित भएका छन् ।

चौधरीले ९३१७ मत प्राप्त गरेका छन् भने माओवादी केन्द्रका शर्माले ७२८५ मत प्राप्त गरेका छन् । अर्का उम्मेदवार नेकपा एमालेका दण्डीराम चौधरीले ५५०३ मत प्राप्त गरेका छन् ।

त्यस्तै उपमेयरमा कांग्रेसकी लक्ष्मी योगी निर्वाचित भएकी छिन् । निकटतम् प्रतिद्वन्दी माओवादी केन्द्रकी गंगा पाण्डेलाई २९८९ मतान्तरले पराजित गर्दै उपमेयरमा योगी निर्वाचित भएकी छिन् । निर्वाचित योगीले ८७३७ मत, माओवादीको ५८४८ र एमालेकी सुशिला शर्माले ५३१२ मत प्राप्त गरेकी छन् ।

कांग्रेसले लमहीमा वडा नम्बर ५ बाहेक सबै वडामा विजयी बनेको छ । कांग्रेसबाट लमही नगरपालिका वडा नम्बर १ मा दामोदर पौडेल, २ मा नेपालु चौधरी, ३ मा मनोज चौधरी, ४ मा सुवास न्यौपाने, ६ मा श्यामनारायण चौधरी, ७ मा मोहन गिरी, ८ मा उमेश खड्का र ९ नम्बरमा भेषबहादुर केसी (रमेश) निर्वाचित भएका छन । लमही वडा नम्बर ५ मा माओवादीका ओमप्रसाद सुवेदी निर्वाचित भएका छन् ।

प्रकाशित मिति: बुधबार, जेठ ४, २०७९ १०:३६