प्रशान्त र पुर्णले अगैया पुगेर दिए राप्तीसोनारीका नवनिर्वाचित अध्यक्ष पौडेललाई बधाई

आम निर्वाचन-२०७९

गृहपृष्ठ
आम निर्वाचन-२०७९
प्रशान्त र पुर्णले अगैया पुगेर दिए राप्तीसोनारीका नवनिर्वाचित अध्यक्ष पौडेललाई बधाई

प्रशान्त र पुर्णले अगैया पुगेर दिए राप्तीसोनारीका नवनिर्वाचित अध्यक्ष पौडेललाई बधाई

बुधबार, जेठ ४, २०७९ बागेश्वरी पोस्ट

नेपालगन्ज । बाँकेको राप्तीसोनारी गाउँपालिकाका नवनिर्वाचित अध्यक्ष तप्त पौडेललाई जिल्लाभित्रका अन्य पालिकाका नगर प्रमुखका उम्मेदवारहरुले गाउँपालिकामै पुगेर बधाई दिएका छन् ।

नेपालगन्ज उपमहानगर र कोहलपुर नगरपालिकाका नगर प्रमुखका उम्मेदवार प्रशान्त बिष्ट र पुर्ण आचार्यले नवनिर्वाचित अध्यक्ष पौडेल र उपाध्यक्ष मनिषा सिंह थारुलाई बधाई दिँदै सफल कार्यकालको शुभकामना दिएका थिए ।

आफ्नो मतगणना चलिरहँदा पनि बधाई दिन गाउँपालिका पुगेका बिष्ट र आचार्यलाई अध्यक्ष पौडेलले दुबैको जित निश्चित रहेको भन्दै जितको शुभकामना दिएका थिए । नेपालगन्जका नगर प्रमुखका उम्मेदवार बिष्टको मतगणना चलिरहँदा सबैभन्दा अग्रस्थानमा छन् भने कोहलपुरको मतगणना चलिरहँदा आचार्यले पनि अग्रता कायम गरिरहेका छन् ।

निर्वाचित अध्यक्ष पौडेल, नेपालगन्ज र कोहलपुरका नगर प्रमुखका उम्मेदवार बिष्ट र आचार्यहरु सबै नेबिसंघको राजनीतिबाट आएका हुन् । उनीहरु सबै नेबिसंघ बाँकेको अध्यक्ष भइसकेका छन् ।

प्रकाशित मिति: बुधबार, जेठ ४, २०७९ २०:१४