राप्तीसोनारीमा नवनिर्वाचित अध्यक्ष पौडेलसहित सबै जनप्रतिनिधिलाई प्रमाणपत्र वितरण

आम निर्वाचन-२०७९

गृहपृष्ठ
आम निर्वाचन-२०७९
राप्तीसोनारीमा नवनिर्वाचित अध्यक्ष पौडेलसहित सबै जनप्रतिनिधिलाई प्रमाणपत्र वितरण

राप्तीसोनारीमा नवनिर्वाचित अध्यक्ष पौडेलसहित सबै जनप्रतिनिधिलाई प्रमाणपत्र वितरण

बिहीबार, जेठ ५, २०७९ बागेश्वरी पोस्ट

नवनिर्वाचित अध्यक्ष तप्त पौडेलले प्रमाणपत्र ग्रहण गर्दै

नेपालगन्ज । राप्तीसोनारी गाउँपालिकाका नवनिर्वाचित अध्यक्षसहित सबै जनप्रतिनिधिलाई आज राप्तीसोनारी निर्वाचन अधिकृतको कार्यालयले प्रमाणपत्र वितरण गरेको छ ।

गाउँपालिकाका नवनिर्वाचित अध्यक्ष तप्त पौडेल, उपाध्यक्ष मनिषासिंह थारुसहित सबै ९ वडा अध्यक्ष र सदस्यलाई आज एक कार्यक्रमका बीच प्रमाणपत्र वितरण गरिएको हो ।

प्रमाणपत्र वितरण कार्यक्रममा बोल्दै राप्तीसोनारीका मुख्य निर्वाचन अधिकृत टोपेन्द्र केसीले आइतबारसम्म अध्यक्ष पौडेललाई सपथ ग्रहण गराउने तयारी भइरहेको बताए । उपाध्यक्ष, वडा अध्यक्ष र सदस्यलाई अध्यक्ष पौडेलको सपथ ग्रहण पश्चात् गराइने केसीले बताए ।

राप्तीसोनारीको निर्वाचन शान्तिपूर्ण र निष्पक्ष रुपले सम्पन्न गराउन सफल भएकोमा सबै मतदाता र राजनीतिक दल, निर्वाचनमा खटिएका कर्मचारी र सुरक्षाकर्मी सबैलाई केसीले धन्यवाद व्यक्त गरेका छन् ।

प्रकाशित मिति: बिहीबार, जेठ ५, २०७९ १८:०८