नेपालगन्जको मेयरमा कांग्रेसका प्रशान्त र उपमेयरमा जसपाका कमरुद्दिन विजयी

आम निर्वाचन-२०७९

गृहपृष्ठ
आम निर्वाचन-२०७९
नेपालगन्जको मेयरमा कांग्रेसका प्रशान्त र उपमेयरमा जसपाका कमरुद्दिन विजयी

नेपालगन्जको मेयरमा कांग्रेसका प्रशान्त र उपमेयरमा जसपाका कमरुद्दिन विजयी

शुक्रबार, जेठ ६, २०७९ बागेश्वरी पोस्ट

नेपालगन्ज । बाँकेको नेपालगन्ज उपमहानगरपालिकाको मेयरमा नेपाली कांग्रेसका प्रशान्त विष्ट र उपमेयरमा जनता समाजवादी पार्टी (जसपा) नेपालका कमरुद्दिन राई विजयी भएका छन् ।

विष्ट २३४६० मत ल्याएर मेयरमा निर्वाचित भएका हुन् । उनका निकटतम् प्रतिद्वन्दी नेकपा एमालेका पशुपतिदयाल मिश्रले ११६७५ मत ल्याए । विष्टले ११७८५ मतान्तरले जितेका छन् । विष्टले दोब्बर बढी मतान्तरले मिश्रलाई पछि पारे । राप्रका नन्दलाल वैश्यले ७५९८ मत पाए ।

यस्तै उपमेयरमा जनता समाजवादी पार्टी (जसपा) नेपालका राई १७९५० मतका साथ विजयी भएका छन् । उनका निकटतम् प्रतिद्वन्दी नेकपा एमालेकी शान्तिदेवी ढकालले १०९१५ मत पाइन् । राई ७०३५ मतान्तरले विजयी भएका हुन् । राप्रपाकी बिन्दु चर्ती मगरले १०१३५ मत पाइन् ।

नेपालगन्जमा सत्तारुढ दलहरुबीच मेयर र उपमेयरमा गठबन्धन थियो । वडामा भने एक्लाएक्लै भिडेका थिए । नेपालगन्जका २३ वडा मध्ये जसपाले ६, कांग्रेस र एमालेले ५/५, माओवादी केन्द्रले ४ र राप्रपाले ३ वटा वडा जितेका छन् ।

प्रकाशित मिति: शुक्रबार, जेठ ६, २०७९ ०७:४९