नेपालगञ्जका वडामा जसपाको बलियो उपस्थिति, कांग्रेसलाई घाटा

आम निर्वाचन-२०७९

गृहपृष्ठ
आम निर्वाचन-२०७९
नेपालगञ्जका वडामा जसपाको बलियो उपस्थिति, कांग्रेसलाई घाटा

नेपालगञ्जका वडामा जसपाको बलियो उपस्थिति, कांग्रेसलाई घाटा

शुक्रबार, जेठ ६, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकामा सत्तारुढ दलहरुबीच गठबन्धन भयो । तर, मेयर र उपमेयरमा मात्र । मेयर कांग्रेसले पायो । उपमेयर जसपाको भागमा आयो । मेयर र उपमेयरमा गठबन्धन भएपनि वडामा भने सत्तारुढ दलहरु एक्लाएक्लै भिडेका थिए ।

गत स्थानीय चुनावमा राप्रपाले मेयर र कांग्रेसले उपमेयर जितेको नेपालगञ्जमा यसपटक गठबन्धनबाट कांग्रेसका प्रशान्त विष्ट निकटतम् प्रतिष्पर्धी एमालेका पशुपतिदयाल मिश्रलाई दोब्बर मतान्तरले पछि पार्दै लोकप्रिय मतका साथ मेयर बने । उपमेयरमा पनि ७ हजारको मतान्तरले एमालेकी शान्तिदेवी ढकाललाई हराउँदै जसपाका कमरुद्दिन राई उपमेयर चुनिए ।

वडामा भने यसपटक फरक परिणाम आएको छ । जसपाले ६, कांग्रेस र एमालेले ५/५, माओवादी ४ तथा राप्रपाले ३ वडा जितको छन् । उपमेयर जितेको जसपाले सर्वाधिक बढी वडा जितेको हो । उसले ६ वटा वडा जित्यो । जसपाले वडा नम्बर ५, १३, १४, १५, २० र २२ आफ्नो पक्षमा पारेको छ । उसले यसअघि दुई वडा मात्र जितेको थियो । जसपा यसपटक ४ वटा वडा थप्न सफल भएको छ ।

२०७४ मा ८ वडा जितेको कांग्रेस ५ वडामा खुम्चिएको छ । मेयर जितेको कांग्रेसले यो पटक वडा नम्बर १२, १७, १९, २१ र २३ जित्यो । २०७४ मा ६ वडा जितेको एमालेले यसपटक भने ५ वटा वडामा जित निकाल्यो । एमालेले वडा नम्बर १, ६, ७, ९ र १८ जित्यो । माओवादीले २०७४ मा ४ वडा जितेकोमा यो पटक पनि ४ वडा नै जित्यो । माओवादीले ३, ४, ११ र १६ नम्बर वडा जितेको छ । राप्रपाले पनि विगतमा जस्तै ३ वडा जितेको छ । यसपटक उसले वडा नम्बर २, ८ र १० आफ्नो पक्षमा पारेको छ ।

प्रकाशित मिति: शुक्रबार, जेठ ६, २०७९ ०९:१८