डुडुवा र खजुराका अध्यक्षलाई सपथ ग्रहण गराइयो

आम निर्वाचन-२०७९

गृहपृष्ठ
आम निर्वाचन-२०७९
डुडुवा र खजुराका अध्यक्षलाई सपथ ग्रहण गराइयो

डुडुवा र खजुराका अध्यक्षलाई सपथ ग्रहण गराइयो

शुक्रबार, जेठ ६, २०७९ बागेश्वरी पोस्ट

डुडुवा (बाँके) । स्थानीय तहमा नवनिर्वाचित अध्यक्षलाई सपथ ग्रहण गराइएको छ । आज एक समारोहका बीच डुडुवा गाउँपालिकाका अध्यक्ष नरेन्द्र कुमार चौधरीले सपथ ग्रहण गरेका छन् । बाँके जिल्लाका मुख्य निर्वाचन अधिकृत तथा जिल्ला न्यायाधीश खडानन्द तिवारीले अध्यक्ष चौधरीलाई सपथ ग्रहण गराएका हुन्

सपथ लिएका चौधरीले अब गाउँपालिका उपाध्यक्ष, वडाध्यक्ष र सदस्यहरुलाई सपथ गराउनेछन् । स्थानीय सरकार सञ्चालन ऐन २०७४ को दफा १०९ (१) बमोजिम सपथ ग्रहण गराइएको हो । सो ऐनको दफा १०९ (२) अनुसार अध्यक्षले उपाध्यक्ष, वडाध्यक्ष र वडा सदस्यहरुलाई सात दिनभित्र सपथ गराउनुपर्ने व्यवस्था रहेको छ । अध्यक्ष चौधरी डुडुवा गाउँपालिका अध्यक्षमा पुनः दोस्रो कार्यकालका लागि निर्वाचित भएका हुन् ।

त्यस अवसरमा खजरा गाउँपालिकाका नवनिर्वाचित अध्यक्ष डम्बर विकलाई पनि मुख्य निर्वाचन अधिकृत तिवारीले सपथ गराएका थिए ।

प्रकाशित मिति: शुक्रबार, जेठ ६, २०७९ १६:५४