नेपालगञ्जमा सत्तारुढ गठबन्धनको विजय उत्सब (फोटो फिचरसहित)

आम निर्वाचन-२०७९

गृहपृष्ठ
आम निर्वाचन-२०७९
नेपालगञ्जमा सत्तारुढ गठबन्धनको विजय उत्सब (फोटो फिचरसहित)

नेपालगञ्जमा सत्तारुढ गठबन्धनको विजय उत्सब (फोटो फिचरसहित)

शनिबार, जेठ ७, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकामा सत्तारुढ गठबन्धनले विजय उत्सब गरेको छ । ठूलो संख्यामा उपस्थित नेता, कार्यकतार्, शुभेच्छुक तथा सर्वसाधारण सहभागी विजय उत्सब जमुनाहाबाट शुरु भएर राँझा चोक हुँदै त्रिभुवन चोकमा आएर बृहत सभामा परिणत भएको छ । र्यालीमा नवनिर्वाचित मेयर प्रशान्त विष्ट, उपमेयर कमरुद्दिन राई, बाँके कांग्रेस सभापति नारायण प्रसाद गौडेल, जसपाका नेता एवम् बाँके क्षेत्र नम्बर २ का सांसद मो. इस्तियाक राई, लुम्बिनी प्रदेशका मन्त्री सुरेन्द्र हमाल लगायत सहभागी छन् ।

ठूलो लावालस्कर सहितको विजय जुलुसमा सर्वसाधारणहरुले ठाउँठाउँबाट नवनिर्वाचित मेयर विष्ट र उपमेयर राईलाई स्वागत गर्दै बधाई दिएका छन् । नेपालगञ्जमा सत्तारुढ दलहरुको चुनावी गठबन्धनबाट मेयरमा कांग्रेसका विष्ट र उपमेयरमा जसपाका राई भारी मतान्तरले निर्वाचित भएका हुन् ।