भरतपुर महानगरपालिकाको मेयरमा रेणु दहाल बिजयी

आम निर्वाचन-२०७९

गृहपृष्ठ
आम निर्वाचन-२०७९
भरतपुर महानगरपालिकाको मेयरमा रेणु दहाल बिजयी

भरतपुर महानगरपालिकाको मेयरमा रेणु दहाल बिजयी

उपमेयरमा कांग्रेसका अधिकारी बिजयी

मंगलबार, जेठ १०, २०७९ बागेश्वरी पोस्ट

नेपालगन्ज । भरतपुर महानगरपालिकाको मेयरमा गठबन्धनतर्फका माओवादी केन्द्रकी प्रचण्ड पुत्री रेणु दाहाल बिजयी भएकी छन् । उनी दोस्रो कार्यकालका लागि निर्वाचित भएकी हुन् ।

पछिल्लो मतपरिणाम अनुसार करिब २ हजार मतगणना हुन बाँकी छँदा रेणुले प्रतिस्पर्धी एमालेका विजय सुवेदीसँग १२ हजार १४० मतान्तर कायम गरेकी हुन् । दाहालले ५१ हजार ११२ मत पाउँदा सुवेदीले ३८ हजार ९७२ मत पाएका छन् ।

अन्तिम परिणाम आउन बाँकी रहँदै उनी निर्वाचित भएकी हुन् । निर्वाचन अधिकृतको कार्यालयले सबै मतगणना भइसकेपछि नतिजा घोषणा गर्नेछ ।

उपमेयरमा पनि गठबन्धनबाट काँग्रेसका चित्रसेन अधिकारीले जित सुनिश्चित गरेका छन् । अधिकारीले ५१ हजार ९०३ मत पाउँदा प्रतिस्पर्धी राप्रपाकी हिमला गुरुङले ३० हजार ३२६ मत पाएकी छन् ।

प्रकाशित मिति: मंगलबार, जेठ १०, २०७९ ०९:२८