जानकी कार्यपालिका निर्वाचनमा कांग्रेस र माओवादी एक ठाउँ

आम निर्वाचन-२०७९

गृहपृष्ठ
आम निर्वाचन-२०७९
जानकी कार्यपालिका निर्वाचनमा कांग्रेस र माओवादी एक ठाउँ

जानकी कार्यपालिका निर्वाचनमा कांग्रेस र माओवादी एक ठाउँ

मंगलबार, जेठ १०, २०७९ बागेश्वरी पोस्ट

जानकी । गत बैशाख ३० गते सम्पन्न स्थानीय तह निर्वाचनको परिणाम पश्चात् गठन गरिने जानकी गाउँ कार्यपालिकामा नेपाली कांग्रेस र नेकपा माओवादी केन्द्रबीच तालमेल भएको छ ।

कांग्रेस पार्टी कार्यालय नेपालगन्जमा आज बसेको बैठकमा कार्यपालिका सदस्यहरु बाँडफाँड गर्ने सहमति भएको हो । सहमति अनुसार कांग्रेसले निर्वाचित महिला सदस्य मध्येबाट ३ जना र दलित/अल्पसंख्यकबाट १ जना तथा माओवादीले निर्वाचित महिला सदस्य र दलित/अल्पसंख्यकबाट १/१ जना पाउने सहमति भएको छ । जानकीमा निर्वाचित महिलाबाट ४ जना र दलित अल्पसंख्यकबाट २ जना गरी कुल ६ जना चुन्न निर्वाचन हुँदैछ ।

अब कांग्रेस र माओवादीले सहमति अनुसार मनोनयन दर्ता गर्नेछन् । जानकी गाउँ कार्यपालिका सदस्य निर्वाचनका लागि भोली मनोनयन दर्ता हुँदैछ । १६ गते निर्वाचन हुनेछ । जानकीबाट ३२ जना निर्वाचित भएका छन् । यी मध्ये कांग्रेसका १५ र माओवादीका ४ जना गरी कुल १९ जना छन् । जुन कुल सदस्यको बहुमत हो । जानकीको स्थानीय निर्वाचनमा जसपा र माओवादीले गठबन्धन गरेका थिए ।

प्रकाशित मिति: मंगलबार, जेठ १०, २०७९ २१:५०