तुलसीपुर उपमहानगरमा माओवादीलाई लाभ, कांग्रेसका वडा एमालेलाई

आम निर्वाचन-२०७९

गृहपृष्ठ
आम निर्वाचन-२०७९
तुलसीपुर उपमहानगरमा माओवादीलाई लाभ, कांग्रेसका वडा एमालेलाई

तुलसीपुर उपमहानगरमा माओवादीलाई लाभ, कांग्रेसका वडा एमालेलाई

बिहीबार, जेठ १२, २०७९ बागेश्वरी पोस्ट

नेपालगन्ज । २०७४ सालको स्थानीय तह निर्वाचनमा तुलसीपुर उपमहानगरपालिकाका १९ वडाहरु मध्ये १० वटा वडा जितेको नेपाली कांग्रेसले यसपटक आधामै खुम्चिएको छ । नेकपा एमालेले कांग्रेसले जितेका वडाहरु खोसेको छ । एमालेले १० वटा वडामा जित हासिल गरेको छ ।

यसपटक काँग्रेस ५ वटा मात्रै वडामा जित्न सफल भएको छ । त्यस्तै नेकपा माओबादी केन्द्रले ३ वटा वडा जितेको छ । एक जना स्वतन्त्र उम्मेदवार भने तुलसीपुर वडा नम्बर १६ मा बिजयी बनेका छन् ।

गत स्थानीय निर्वाचनमा तुलसीपुर उपमहानगरमा एउटा वडा जित्न नसकेको माओवादी केन्द्रले यसपटकको निर्वाचनमा गठबन्धन गर्दै फाइदा लिएको छ । माओवादी केन्द्रले गठबन्धनको फाइदा लिँदै वडा नम्बर १, ४ र १२ जितेको छ ।

एमाले तुलसीपुर उपमहानगरका वडा नम्बर २, ३, ६, ८,१०, ११, १३, १५, १८, १९ मा विजयी भएको छ । काँग्रेसले वडा नम्बर ५, ७, ९, १४ र १७ जितेको छ । गत स्थानीय निर्वाचनमा तुलसीपुर उपमहानगरको मेयर र उपमेयर जितेको एमालेले यसपटक पनि दोर्याएको छ । मेयरमा एमालेका टिकाराम खड्का र उपमेयरमा स्यानी चौधरी बिजयी भएका छन् ।