मेरा प्रतिवद्धताहरू दस्तावेजका रूपमा राख्नुस् र खबरदारी गर्नुस्ः राई

आम निर्वाचन-२०७९

गृहपृष्ठ
आम निर्वाचन-२०७९
मेरा प्रतिवद्धताहरू दस्तावेजका रूपमा राख्नुस् र खबरदारी गर्नुस्ः राई

मेरा प्रतिवद्धताहरू दस्तावेजका रूपमा राख्नुस् र खबरदारी गर्नुस्ः राई

शुक्रबार, कात्तिक २५, २०७९ बागेश्वरी पोस्ट

नेपालगञ्ज । जनता समाजवादी पार्टीबाट प्रतिनिधिसभाका लागि बाँके क्षेत्र नम्बर २ का उम्मेदवार मोहम्मद इश्तियाक राईले आफ्ना प्रतिवद्धताहरू दस्तावेजका रूपमा राख्न र चुनावपछि पूरा हुन नसकेका कामहरूप्रति प्रश्न गर्न मतदातालाई आग्रह गरेका छन् ।

क्षेत्र नं २ का विभिन्न ठाउँहरूमा आज भएका चुनावी सभाहरूलाई सम्बोधन गर्दै उनले उम्मेदवारहरूलाई प्रश्न गर्न कसैलाई पनि नडराउन भनेका हुन् । उम्मेदवारमाथि प्रश्न गर्नु हरेक मतदाताको अधिकार भएको भन्दै उनले त्यो उम्मेदवारका लागि खबरदारी हुने पनि बताए ।

‘म कहिल्यै कतै भागेको छैन । जिते पनि जनतासँगै हुनेछु । अहिले पनि सँगै छु । हारे पनि म जनताकै बीचमा हुनेछु’ उनले भने ‘मैले यो क्षेत्रको विकासका लागि के के काम गर्छु भनेर सबै कुरा लेखेरै दिएको छु । त्यसलाई सुरक्षित राख्नुहोला, फेरि पाँच वर्षपछि मलाई सोध्न डराउनुपर्नेछैन ।’

जनतालाई कुनै झुठा वाचा र सपनाहरू आफूले नबाँडेको भन्दै चुनावमा वाचा वा प्रतिवद्धता भन्दा पनि काम गर्ने अठोट गरेको उनले बताए ।

प्रकाशित मिति: शुक्रबार, कात्तिक २५, २०७९ १९:२१