बाँके-२ का कांग्रेस उम्मेदवारको संकल्प-पत्र सार्वजनिक

आम निर्वाचन-२०७९

गृहपृष्ठ
आम निर्वाचन-२०७९
बाँके-२ का कांग्रेस उम्मेदवारको संकल्प-पत्र सार्वजनिक

बाँके-२ का कांग्रेस उम्मेदवारको संकल्प-पत्र सार्वजनिक

सोमबार, कात्तिक २८, २०७९ बागेश्वरी पोस्ट

नेपालगञ्ज । नेपाली कांग्रेस बाँके क्षेत्र नम्बर २ ले प्रतिनिधिसभा र प्रदेशसभा सदस्यतर्फ नेपाली कांग्रेसका उम्मेदवारको संकल्प-पत्र सार्वजनिक गरेको छ । आज पार्टी कार्यालयमा आयोजित कार्यक्रममा १० वटा विषयसहितको संकल्प-पत्र सार्वजनिक गरिएको हो ।

बाँके क्षेत्र नम्बर २ प्रतिनिधिसभा सदस्य सुदिप नरसिंह राणा, प्रदेशसभा सदस्यतर्फ उम्मेदवारहरु सुरेन्द्र हमाल र राजकुमार वर्मा, केन्द्रीय सदस्य मैकुलाल बाल्मिकी लगायतले क्षेत्र नम्बर २ का तर्फबाट संयुक्त संकल्प-पत्र सार्वजनिक गरेका हुन् । बाँके क्षेत्र नम्बर २ को आवश्यकतालाई मध्यनजर गर्दै कांग्रेसका पालामा शुरु भएका विकास निर्माणका योजनामा थप आवश्यक योजना र कार्यक्रमलाई प्राथमिकीकरण गर्दै संकल्प-पत्रमा शिक्षा, स्वास्थ्य, कृषि लगायतका विषयलाई महत्व दिइएको छ ।

संकल्प-पत्रमा खानेपानी, सरसरफाई, पर्यटन, युवा रोजगार तथा खेलकुद, भौतिक पूर्वाधार तथा सडक, आर्थिक विकास, महिला तथा पछाडि परेको समुदाय लगायत अलग अलग विषय उठान र सम्वोधनको पहल गरिने उल्लेख गरिएको छ । महेन्द्र बहुमुखी क्याम्पसलाई नेपालगञ्ज विश्वविद्यालयको रुपमा स्तरोन्नति गर्ने, भेरी अस्पताललाई मेडिकल कलेजका रुपमा रुपान्तरण गर्ने, नेपालगञ्जमा चक्रपथ निर्माणलाई उच्च प्राथमिकतामा राखिएको छ ।

प्रकाशित मिति: सोमबार, कात्तिक २८, २०७९ १५:०८