नाम पनि 'नमुना' काम पनि 'नमुना'

आम निर्वाचन-२०७९

गृहपृष्ठ
आम निर्वाचन-२०७९
नाम पनि 'नमुना' काम पनि 'नमुना'

नाम पनि 'नमुना' काम पनि 'नमुना'

बिहीबार, मंसिर १, २०७९ बागेश्वरी पोस्ट

स्थानीय महिलाले उम्मेदवार नमुनालाई अंगालो मार्दै

नेपालगन्ज । बाँके निर्वाचन क्षेत्र नम्बर १ (क) बाट सहयोगी र बिकासप्रेमी गठवन्धनका उम्मेदवार कृष्ण केसी (नमुना) को जित निश्चित जस्तै बनेको छ ।

आउँदो आइतबार अर्थात् मंसिर ४ गते हुने निर्वाचनमा गठवन्धनबाट नेकपा माओवादी केन्द्रकी उम्मेदवार नमुनाले यसअघि गरेको बिकासका कारण क्षेत्र नम्बर १ को राप्तीसोनारी र नरैनापुरका स्थानीयहरुले जिताउन लागिपरेका छन् ।

बाँकेको बघौडा भनेर चिनिने नरैनापुरको विकासका लागि नमुनाले गरेको सराह्नीय कार्यका कारण नरैनापुरवासीले नमुना बाहेक अरु उम्मेदवार योग्य र सक्षम नभएको बताउँछन् ।उम्मेदवार नमुनाले जनप्रतिनिधि हुँदा र नहुँदादेखि नरैनापुर, राप्तीसोनारी लगायत जिल्लाको समृद्धिका लागि महत्वपूर्ण भूमिका निर्वाह गरेको राप्तीसोनारी र नरैनापुरका मतदाताहरुको भनाई छ ।

जटिल अवस्थाबाट गुज्रिएको नरैनापुरको अन्धकारलाई नमुनाले विद्युतीकरण गर्न र जिल्ला सदरमुकाम नेपालगन्जसँग सडक सञ्जालले जोड्न उनले अगुवाई गरेकी थिइन् । ‘नमुना मर्दादेखि पर्दासम्म हामी जनताकै साथमा हुनुहुन्छ,’ नरैनापुरका असिज खाँले भने, ‘अरु उम्मेदवार चुनावमा भोट माग्न मात्र आउँछन् । चुनाव सकिएपछि कहिलै गाउँमा फर्किँदैनन् । तर, नमुना दुःख पीडा हुँदा र खुसी हुँदा जनताकै साथमा हुनुहुन्छ ।’

विकासवादी नेतृलाई चुनावमा जिताउनैपर्ने यहाँका मतदाताले जनाएका छन् । नमुनाले यसपालीको चुनाव नजिते पुनः राप्तीपारी पछाडि पर्ने उनीहरु बताउँछन् । राप्तीपारिको समृद्धि र विकासका लागि यसपाली नमुनाको विकल्प अरु नभएको यहाँका मतदाताको भनाई छ । नाम पनि नमुना र काम पनि नमुना भएकै कारण राप्तीसोनारी र नरैनापुरवासी यसपटक पनि नमुना रोज्दै उनलाई जिताउन आतुर रहेका छन् ।

प्रकाशित मिति: बिहीबार, मंसिर १, २०७९ ११:२९