दाङको पातु वनगाउँ मावि केन्द्रमा बेलुका ७ बजेसम्म मतदान

आम निर्वाचन-२०७९

गृहपृष्ठ
आम निर्वाचन-२०७९
दाङको पातु वनगाउँ मावि केन्द्रमा बेलुका ७ बजेसम्म मतदान

दाङको पातु वनगाउँ मावि केन्द्रमा बेलुका ७ बजेसम्म मतदान

आइतबार, मंसिर ४, २०७९ बागेश्वरी पोस्ट

नेपालगञ्ज । दाङ क्षेत्र नम्बर ३ अन्तर्गत् तुलसीपुर उपमहानगरपालिका–१० पातु वनगाउँ मावि मतदान स्थलमा बेलुका ७ बजेसम्म मतदान हुने भएको छ ।

‘ग’ मतदान केन्द्रमा ४५ जनाले मतदान गरिसकेपछि प्रतिनिधिसभामा मत नै नखसेको पत्ता लागेपछि मतदान रोकिएको थियो । त्यसपछि बुझ्ने क्रममा कर्मचारीहरुले प्रतिनिधिसभाको मतपत्र नदिएर प्रदेशसभाको मात्र दिएको पत्ता लागेको थियो ।

यही विवादका कारण केही घण्टा मतदान रोकिएकाले बेलुकासम्मै मतदानको समय तोकिएको हो । दाङ क्षेत्र नम्बर ३ का निर्वाचन अधिकृत डोलनाथ न्यौपानेले प्राविधिक त्रुटिका कारण मतदानका लागि पूर्व निर्धारित समयमा दुई घण्टा थप गरिएको बताए ।

निर्वाचन आयोगले आज बिहान ७ बजेदेखि साँझ ५ बजेसम्म मतदानको समय निर्धारण गरेको थियो ।

प्रकाशित मिति: आइतबार, मंसिर ४, २०७९ १७:०१