मतपेटिका पुर्याएर फर्कंदै गरेको जिप दुर्घटना, तीन जना प्रहरीको मृत्यु

आम निर्वाचन-२०७९

गृहपृष्ठ
आम निर्वाचन-२०७९
मतपेटिका पुर्याएर फर्कंदै गरेको जिप दुर्घटना, तीन जना प्रहरीको मृत्यु

मतपेटिका पुर्याएर फर्कंदै गरेको जिप दुर्घटना, तीन जना प्रहरीको मृत्यु

सोमबार, मंसिर ५, २०७९ बागेश्वरी पोस्ट

नेपालगन्ज । मतपेटिका पुर्‍याएर फर्कँदै गरेको नेपाल प्रहरी जिप बैतडीमा दुर्घटना हुँदा तीन जना प्रहरीको मृत्यु भएको छ ।

दशरथचन्द राजमार्ग अन्तर्गत पाटन नगरपालिका ४ निङलाडी खोला भन्ने स्थानमा से१ज ८५४ नम्बरको जिप दुर्घटनामा पर्दा तीन जना प्रहरीको घटनास्थलमै मृत्यु भएको हो ।

मतपेटिका पुर्‍याएर फर्कँदै गरेको नेपाल प्रहरी टोली सवार जिप आज बिहान ६ बजे दुर्घटना हँदा तीन प्रहरीको घटनास्थलमै मृत्यु भएको बैतडीका प्रमुख जिल्ला अधिकारी सुरेश पन्थीले जानकारी दिएका छन् । दुर्घटनामा ९ जना गम्भीर घाइते भएका छन् । उनीहरुलाई हेलिकप्टरबाट कोहलपुर पठाउने तयारी भइरहेको छ।

जिप सडकबाट करिब तीन सय मिटर तल खसेको छ । रातभरि मतपेटिका ढुवानी गरिरहेको र चालकलाई अनिदो भएर दुर्घटना भएको हुनसक्ने प्रजिअ पन्थीको भनाई छ । घटनाको थप विवरण आउन बाँकी रहेको छ ।

प्रकाशित मिति: सोमबार, मंसिर ५, २०७९ ०८:५०