बाजुराको बुढीगंगा नगरपालिकामा पुनः मतदान हुने

आम निर्वाचन-२०७९

गृहपृष्ठ
आम निर्वाचन-२०७९
बाजुराको बुढीगंगा नगरपालिकामा पुनः मतदान हुने

बाजुराको बुढीगंगा नगरपालिकामा पुनः मतदान हुने

बिहीबार, जेठ १२, २०७९ बागेश्वरी पोस्ट

नेपालगञ्ज । बाजुराको बुढीगंगा नगरपालिकामा पुनः मतदान हुने भएको छ ।

निर्वाचन आयोगले आज एक विज्ञप्ति जारी गरी बुढीगंगा नगरपालिकामा पुनः मतदान गर्ने जानकारी गराएको हो । आयोगका प्रवक्ता शालिग्राम शर्मा पौडेलका अनुसार मतदान गर्ने मिति र समय यथाशिघ्र तोकिनेछ । यसअघि ३० वैशाखमा भएको मतदानमा बुथ कब्जा भएको विषयमा दलहरुबीच विवाद भएपछि मतदान रोकिएको थियो ।

आज बसेको आयोगको बैठकले बाजुराका प्रमुख जिल्ला अधिकारी उपेन्द्रराज पौड्याल, बाजुराका प्रहरी प्रमुख डिएसपी चतुर्भुज ओझा, सशस्त्र प्रहरी बलका एसपी दीपक विष्टले सुरक्षा व्यवस्थामा गम्भीर लापरवाही गरी निर्वाचनको स्वच्छता, स्वतन्त्रता तथा निष्पक्षतामा आँच आउने काम गरेकाले उनीहरुलाई तीन दिनभित्र हटाउन गृह मन्त्रालयलाई लेखी पठाउने निर्णय पनि गरेको छ ।

त्यस्तै बाजुरामा जिम्मेवार कर्मचारी खटाई निर्वाचनको प्रक्रिया अघि बढाउन उपयुक्त वातावरण तयार गर्न गृह मन्त्रालयलाई निर्देशन दिएको छ ।