कुमालको जन्मोत्सवमा घमन्जा विमोचन र कवि गोष्ठी

स्थानीय

गृहपृष्ठ
स्थानीय
कुमालको जन्मोत्सवमा घमन्जा विमोचन र कवि गोष्ठी

कुमालको जन्मोत्सवमा घमन्जा विमोचन र कवि गोष्ठी

शनिबार, जेठ २०, २०८० बागेश्वरी पोस्ट

नेपालगञ्ज । वरिष्ठ अवधिभाषी साहित्यकार एवं सञ्चारकर्मी विष्णुलाल कुमालको आज ७६औं जन्मोत्सव मनाइएको छ ।

७५ वर्ष पूरा गरेर ७६औं वर्ष प्रवेशका अवसरमा आज नेपालगञ्जमा अवधि सांस्कृतिक प्रतिष्ठान केन्द्रीय समितिद्वारा उनको कृति घमन्जा विमोचनसँगै वहुभाषिक कवि गोष्ठी गरिएको छ । श्रष्टा कुमालले साहित्य रचनासँगै सञ्चारमार्फत अवधि कला, संस्कृतिमा योगदान पु¥याएका छन् ।

मानव अधिकार, समाजसेवा र शान्ति स्थापनामा पनि उत्तिकै सक्रिय कुमालद्वारा प्रकाशित घमन्जा पुस्तकको प्रमुख अतिथी एवं राजनीतीकर्मी पशुपतिदयाल मिश्र, वरिष्ठ साहित्यकार सनत रेग्मी लगायतले विमोचन गरेका थिए ।

प्रमुख अतिथि मिश्रले कुमालद्वारा प्रकाशित घमन्जा पुस्तक जस्तै श्रष्टा कुमाल पनि घमन्जा जस्तै बहुआयामिक व्यक्तित्व भएको भन्दै उनको सक्रियता र योगदानको स¥हाना गरे ।

कार्यक्रममा वरिष्ठ साहित्यकार रेग्मी, पुस्तकालय अध्यक्ष वलराम यादव, प्राज्ञ सदस्य महानन्द ढकाल, प्राध्यापक कृष्ण घिमिरे, वरिष्ठ पत्रकार नरेन्द्रजंग पिटर, रुपैडिया नगर पंचायतका चेयरम्यान डा.वउमाशंकर वैश्य, पत्रकार विजय वर्मा लगायतले अवधि भाषा, साहित्य र श्रष्टा कुमालको व्यक्तित्वबारे चर्चा गरेका थिए ।

अवधि सांस्कृतिक प्रतिष्ठानका केन्द्रीय सदस्य हाजी अवुदल लतिफ शौकको सभापतिवमा भएको कार्यक्रममा मुस्तफा अहसन, विक्रम शिशिर, सुशिला वैश्य, शायदा वाहिदी, चन्द्रावती अधिकारी, असफाक संघर्ष लगायतले रचना वाचन गरेका थिए । कार्यक्रमको सञ्चालन जीनु हकले गरेका थिए ।

प्रकाशित मिति: शनिबार, जेठ २०, २०८० १८:५३