मनोसामाजिक परामर्श सेवाको दिगोपनाका विषयमा सामीको अभिमुखीकरण

स्थानीय

गृहपृष्ठ
स्थानीय
मनोसामाजिक परामर्श सेवाको दिगोपनाका विषयमा सामीको अभिमुखीकरण

मनोसामाजिक परामर्श सेवाको दिगोपनाका विषयमा सामीको अभिमुखीकरण

शुक्रबार, जेठ २६, २०८० बागेश्वरी पोस्ट

नेपालगञ्ज । सुरक्षित आप्रवासन (सामी) कार्यक्रमले मनोसामाजिक परामर्श सेवाको दिगोपनाका लागि स्थानीय सरकारसंग अन्तरक्रिया कार्यक्रम गरेको छ । नेपालगञ्ज उपमहानगरपालिका अन्तर्गत सञ्चालित सामी कार्यक्रमले आज जनप्रतिनिधिसंग अन्तरक्रिया गरेको सामीका कार्यक्रम संयोजक कमलसिंह नेपालीले बताए ।

सामीका मनोविद दिपक शर्माले मनोसामाजिक परामर्श सेवाको आवश्यकता र दिगोपनाका लागि स्थानीय सरकारको भूमिकाका विषयमा प्रस्तुतिकरण गरेका थिए । उनले पछिल्लो समय हरेक ८ जनामा १ जनालाई मानसिक समस्या देखिने गरेको भन्दै मनोसामाजिक परामर्श अब अपरिहार्य जस्तै भइसकेको बताए ।

सामी कार्यक्रम नेपाल सरकार र स्वीस सरकारको द्विपक्षीय सम्झौता अन्तर्गत सञ्चालनमा छ । यो कार्यक्रम श्रम, रोजगार तथा सामाजिक सुरक्षा मन्त्रालय र स्थानीय सरकारको नेतृत्वमा कार्यान्वयन भइरहेको छ । कार्यक्रमलाई स्वीस सरकार विकास सहयोगको तर्फबाट हेल्भेटास नेपालले प्राविधिक सहयोग उपलब्ध गराइरहेको छ ।

प्रकाशित मिति: शुक्रबार, जेठ २६, २०८० २१:३८