कोहलपुरका विद्यालय थप तीन दिन बन्द

स्थानीय

गृहपृष्ठ
स्थानीय
कोहलपुरका विद्यालय थप तीन दिन बन्द

कोहलपुरका विद्यालय थप तीन दिन बन्द

शनिबार, जेठ २७, २०८० बागेश्वरी पोस्ट

नेपालगञ्ज । अत्याधिक गर्मीका कारण बाँकेको कोहलपुर नगरपालिकाले जेठ २८ गतेदेखि ३० गतेसम्म ३ दिन गर्मी विदा थप गरेको छ । अत्याधुनिक गर्मी बढेपछि पहिलोपटक ३ दिन र थप २ दिन गरी जम्मा ५ दिन गर्मी विदा गरेको कोहलपुर नगरपालिकाले पुनः ३ दिन गर्मी विदा थप गरेको हो ।

अत्याधिक गर्मीले साना-साना बालबालिका बढी प्रभावित भएको भन्दै नगरपालिकाले जेठ २२ ,२३ र २४ गरी ३ दिन विद्यालयहरु बन्द गर्ने निर्णय गरेको थियो भने पुनः २५ र २६ गते विदा थप गरेको थियो । अझै पनि मौसममा सुधार नआएको भन्दै नगरपालिकाले जेठ २८,२९ र ३० गते गरी ३ दिन गर्मी विदा थप गरेको कोहलपुर नगर शिक्षा शाखाले जनाएको छ ।

बाँकेमा एक सातायता अधिकतम तापक्रम ४० डिग्री भन्दा माथि पुगेको छ ।

प्रकाशित मिति: शनिबार, जेठ २७, २०८० १५:२८