साझा प्रजातान्त्रिक प्यानललाई घरवारीटोलका मतदाताले साथ दिने प्रतिबद्धता

स्थानीय

गृहपृष्ठ
स्थानीय
साझा प्रजातान्त्रिक प्यानललाई घरवारीटोलका मतदाताले साथ दिने प्रतिबद्धता

साझा प्रजातान्त्रिक प्यानललाई घरवारीटोलका मतदाताले साथ दिने प्रतिबद्धता

सोमबार, साउन २९, २०८० बागेश्वरी पोस्ट

नेपालगञ्ज । नेपालगञ्ज उद्योग वाणिज्य संघबाट उम्मेदवारी दिएका साझा प्रजातान्त्रिक उद्योगी व्यवसायी समूहका उम्मेदवारहरुलाई घरवारीटोलका मतदाताहरुले नेतृत्वमा लैजाने प्रतिबद्धता जनाएका छन् ।

साझा प्रजातान्त्रिक समूहका उम्मेदवारहरुले आज नेपालगञ्जको घरवारीटोलका मतदाताहरुसंग भेट्ने क्रममा उनीहरुले यस्तो प्रतिबद्धता जनाएका हुन् ।

संघको आगामी नेतृत्वका लागि निर्वाचनमा होमिएको प्रजातान्त्रिक समूहबाट अध्यक्ष पदका उम्मेदवार ललितकुमार रौनियार लगायतको समूहसँग घरवारीटोलका व्यवसायीहरुले संघको नेतृत्व नयाँ व्यक्तिले पाउनुपर्ने भन्दै आफूहरुको भोट परिवर्तनका लागि हुने जनाए ।

परिवर्तनका लागि नेतृत्व भन्दै आएको साझा प्रजातान्त्रिक समूह नै धेरैको रोजाईमा देखिएको छ । घरवारीटोलमा रहेका थोक तथा फुटकर व्यवसायीहरुले सधैं एकै क्षेत्रको नेतृत्व नभएर फरक क्षेत्रको समेत नेतृत्व हुनुपर्ने र अब रौनियारको नेतृत्व हेर्न चाहेको धारणा राखेका थिए ।

थोक तथा फुटकर व्यवसायीहरुको समस्या सम्बोधन गर्न सक्ने नेतृत्व प्रजातान्त्रिक समूह भएको हुँदा व्यवसायीहरुको साथ अब यो समूहलाई नै हुने एक व्यवसायीले भने ।

वाणिज्य संघको निर्वाचनमा यो पटक प्रजातान्त्रिक समूहतर्फ मतदाताको लहर देखिएको छ । सबैको समान सहभागिता र सबै अटाउने नेतृत्व भनेको प्रजातान्त्रिक समूह रहेको मतदाताहरुको भनाई छ ।

रौनियार नेतृत्वको समूहले मतदाताको घरदैलो अभियानलाई तिब्र बनाएको छ । निर्वाचनको मिति नजिकिएसंगै समूहले मतदातासंग भेट्ने र उनीहरुको समस्या सुनिरहेको छ ।

प्रचारलाई तिब्र बनाएका अध्यक्ष पदका उम्मेदवार रौनियारले घरबारी टोलका मतदाताले आफूहरुलाई साथ दिने बताएको बताए । त्यस्तै उद्योगतर्फका उपाध्यक्षका उम्मेदवार मो.सफिक बेहनाले मतदातामाझ राम्रैसंग परिचित रौनियारको समूहलाई यो पटक सबैतिरबाट साथ समर्थन रहेको पाइएको बताए ।

'हामीले सबै मतदाताको समस्या पनि सुनिरहेका छौं,' उम्मेदवार बेहनले भने-'यिनै समस्याहरु समाधानका निम्ति हामीले काम गर्ने हो ।'

आजको मतदातासँग्को भेटघाटमा साझा प्रजातान्त्रिक प्यानलबाट पूर्व मन्त्री सुरेन्द्रबहादुर हमालसहितको टोली खटिएको छ । संघको निर्वाचन यही भाद्र २ गते हुँदैछ ।

प्रकाशित मिति: सोमबार, साउन २९, २०८० १६:४६