नेपालगन्ज उद्योग बाणिज्य संघको निर्वाचन जारी

स्थानीय

गृहपृष्ठ
स्थानीय
नेपालगन्ज उद्योग बाणिज्य संघको निर्वाचन जारी

नेपालगन्ज उद्योग बाणिज्य संघको निर्वाचन जारी

शनिबार, भदौ २, २०८० बागेश्वरी पोस्ट

नेपालगन्ज । आज नेपालगन्ज उद्योग बाणिज्य संघको निर्वाचन हुँदैछ । आज बिहान ८ बजेदेखि नेपालगन्ज रंगशालामा मतदान भइरहेको हो । आज भउरहेको उद्योग बाणिज्य संघको निर्वाचनमा ५ हजार बढी मतदाताले मतदान गर्दैछन् ।

आज भइरहेको मतदानमा साझा प्रजातान्त्रिक उद्योगी व्यवसायी समूह र समावेशी प्यानल चुनावी मैदानमा छन् ।

संघको निर्वाचनमा साझा प्रजातान्त्रिक उद्योगी व्यवसायी समूहका तर्फबाट अध्यक्षमा ललित कुमार रौनियार , उपाध्यक्ष (बाणिज्य) मा विष्णु प्रसाद श्रेष्ठ, उद्योग उपाध्यक्षमा मो.सफिक वेहना, महिला उपाध्यक्षमा करिष्मा योगी, महासचिवमा टंक प्रसाद शर्मा, उपमहासचिवमा टेक बहादुर खड्का, कोषाध्यक्षमा मख्खन बहादुर धामी उम्मेदवार छन् ।

यसैगरी सदस्य पदमा शिवप्रसाद दाहाल, अतुल कुमार गुप्ता, सुनिल भण्डारी, सन्तोष कुमार पौडेल, विवेक कुमार श्रेष्ठ, कैफुल वरा जोलाह, पदम श्रेष्ठ, युवराज ढकाल, प्रमोद कुमार अग्रवाल, बलबहादुर विष्ट (बबी) उम्मेदवार हुन् ।

त्यस्तै समावेशी प्यानलबाट अध्यक्षमा टंक बहादुर धामी, उपाध्यक्ष उद्योगमा चिरञ्जीवि ओली, उपाध्यक्ष वाणिज्यमा हरिलाल न्यौपाने, उपाध्यक्ष महिलामा मन्दिरा पाण्डे, महासचिवमा भीम बहादुर रानाभाट, उपमहासचिवमा मदनराज शर्मा, कोषाध्यक्षमा सलाउद्दिन जसगढलाई उम्मेदवार बनाएको छ ।

त्यस्तै सदस्यतर्फ इन्दिराकुमारी शाही, तोप बहादुर थापा, विष्णु श्रेष्ठ, बुद्धिबहादुर दियाली, सुदन केसी, शिवराज बर्मा, धर्मेन्द्र सिंह ठटेर, जमालुदिन अन्सारी, टिकामणि उपाध्याय, डम्बर चन्दलाई उम्मेदवार बनाएको छ ।

आजको निर्वाचन सबै उम्मेदवारहरु चिरपरिचित भएपनि साझा प्रजातान्त्रिक प्यानलका सबै उम्मेदवारहरुले यसपटक बाजी मार्ने देखिएको छ ।

प्रकाशित मिति: शनिबार, भदौ २, २०८० १०:३६