दानवीर औतारदेईको ११औं स्मृति दिवसमा विविध कार्यक्रम

स्थानीय

गृहपृष्ठ
स्थानीय
दानवीर औतारदेईको ११औं स्मृति दिवसमा विविध कार्यक्रम

दानवीर औतारदेईको ११औं स्मृति दिवसमा विविध कार्यक्रम

बुधबार, भदौ ६, २०८० बागेश्वरी पोस्ट

नेपालगञ्ज । नेपालगञ्जमा शिक्षा र स्वास्थ्यको क्षेत्रमा आफ्नो करोडौंको सम्पत्ति दान गरेर उदाहरणीय बनेकी दानवीर स्व. औतारदेई कशौधन (चौधराइन) को ११औं स्मृति दिवस विविध कार्यक्रम गरी मनाइएको छ ।

स्वर्गीय चौधराइनको भदौ ६ गते स्मृति दिवसको सन्दर्भमा आज भेरी अस्पतालमा उनको योगदानको बारेमा चर्चा गर्दै सम्झना गरिएको हो । वि.सं. १९५४ मा जन्मिएकी चौधराइनको २०२८ भदौ ६ गतेका दिन निधन भएको थियो । भेरी अस्पताल परिसरमा रहेको चौधराईनको प्रतिमामा माल्यार्पण, प्रवचन र विरामीलाई फलफूल वितरण गरेर दिवस मनाइएको हो ।

स्व. चौधराईनले स्थानीय महेन्द्र बहुमुखी क्याम्पस, भेरी अस्पताल, नारायण मावि, जिल्ला स्वास्थ्य कार्यालयलाई जग्गा दान गरेर शिक्षा र स्वास्थ्य क्षेत्रको विकासमा पु¥याएको योगदानको स्मरण गर्दै औतार देई कशौधन (चौधराइन) सेवा प्रतिष्ठानले स्मृति दिवसको आयोजना गरेको हो ।

कार्यक्रममा पूर्व मन्त्री मो. इस्तियाक राई, प्रदेश सांसद आदेश अग्रवाल, नेपालगञ्ज उपमहानगरपालिका उपप्रमुख कमरुद्दिन राई, भेरी अस्पताल विकास समितिका अध्यक्ष विरेन्द्र शाह, प्रतिष्ठानका पूर्व अध्यक्ष नन्दलाल वैश्य लगायत अतिथिले औतारदेइको दानको अभिलेखीकरण हुनुपर्ने आवश्यकता औल्याउँदै स्थायीत्व र स्मरणीय खालका कार्यक्रमहरु सञ्चालन गर्नुपर्ने सुझाव दिए ।

सोही अवसरमा अस्पतालका डेढ सय विरामीलाई फलफूल वितरण गरिएको थियो । औतारदेई कशौधन (चौधराइन) सेवा प्रतिष्ठानकी अध्यक्ष रमारानी वैश्यको अध्यक्षतामा कार्यक्रम सम्पन्न गरिएको थियो । प्रतिष्ठानले हरेक वर्ष समृति दिवसमा कार्यक्रम गर्दै आएको छ ।

प्रकाशित मिति: बुधबार, भदौ ६, २०८० १८:१०