बिद्युत प्राधिकरण कोहलपुर बितरण केन्द्रका कर्मचारीमाथि आक्रमण

स्थानीय

गृहपृष्ठ
स्थानीय
बिद्युत प्राधिकरण कोहलपुर बितरण केन्द्रका कर्मचारीमाथि आक्रमण

बिद्युत प्राधिकरण कोहलपुर बितरण केन्द्रका कर्मचारीमाथि आक्रमण

बिहीबार, भदौ ७, २०८० बागेश्वरी पोस्ट

नेपालगन्ज । बाँकेको कोहलपुरस्थित नेपाल बिद्युत प्राधिकरण कोहलपुर बितरण केन्द्रका कर्मचारीमाथि आक्रमण भएको छ ।

मंगलबार राती करिब ९ बजेको समयमा केन्द्रमा ड्युटीमा खटिएका सिफ्ट इन्चार्ज फोरमेन लक्ष्मण केसीमाथि आक्रमण भएको हो ।

बितरण केन्द्रका अनुसार कोहलपुरका ग्राहकको एक समूहले गुनासोको बिषयलाई लिएर ३ वटा अटोमा कार्यालयभित्र प्रवेश गरी ड्युटीमा खटिएका केसीमाथि आक्रमण गर्दै कुटपिट घाइते बनाएका छन् ।

घटना लगत्तै आक्रमण गर्ने व्यक्तिहरुलाई पक्राउ गरि कारबाहीको माग गरिएको छ । प्राधिकरण कर्मचारी कल्याण परिषदका दिनेशकुमार प्रधान, प्राधिकरण कर्मचारी युनियनका लिलाप्रसाद वली, राष्ट्रिय कर्मचारी युनियनका रेशमकुमार थापा र आधिकारिक ट्रेड युनियन प्राधिकरण कर्मचारी संघका जयप्रकाश भण्डारीले संयुक्त बिज्ञप्ती जारी गर्दै दोषीलाई कारबाहीको माग गरेका छन् ।

प्रकाशित मिति: बिहीबार, भदौ ७, २०८० १२:२३