उपनिर्बाचनका लागि कोहलपुर ६ मा कांग्रेसको सम्पर्क कार्यालय खोलियो, कांग्रेसलाई जिताउन उप-प्रमुख चौधरीको आबहान

उपनिर्वाचन -२०७६

गृहपृष्ठ
उपनिर्वाचन -२०७६
उपनिर्बाचनका लागि कोहलपुर ६ मा कांग्रेसको सम्पर्क कार्यालय खोलियो, कांग्रेसलाई जिताउन उप-प्रमुख चौधरीको आबहान

उपनिर्बाचनका लागि कोहलपुर ६ मा कांग्रेसको सम्पर्क कार्यालय खोलियो, कांग्रेसलाई जिताउन उप-प्रमुख चौधरीको आबहान

मंगलबार, कात्तिक १९, २०७६ बागेश्वरी पोस्ट

कोहलपुर । मंसिरमा १४ गते हुने उपनिर्बाचनका लागी नेपाली काँग्रेस कोहलपुरले वडा नं ६ मा सम्पर्क कार्यालय स्थापना गरेको छ । कोहलपुर कांग्रेसले शहिद परिवारका सदस्यहरु र जेष्ठ नागरिकबाट सम्पर्क कार्यालयको उद्घाटन गराएको हो।

सम्पर्क कार्यालय उद्घाटन कार्यक्रममा बोल्दै कोहलपुर नगरपालिकाकी उपप्रमुख सञ्जु कुमारी चौधरीले नेपाली काँग्रेसबाट उम्मेद्वार बनेका श्रीकृष्ण थारुलाई अत्याधिक बहुमतका साथ विजय गराउन सबै लाग्नुपर्नेमा जोड दिँदै स्थानिय जनप्रतिनिधिहरुले जनताको भावना अनुसार काम गरिरहेको बताईन् ।

जनताका साझा समस्याहरुलाई आत्मासाथ गरी काँग्रेसबाट निर्वाचित जनप्रतिनिधिहरुले काम गरीरहेको बताउँदै वडा अध्यक्षमा निर्वाचत भएपछि जनताकै काम गर्ने प्रतिवद्धता समेत जनाएकी छिन् । कार्यक्रममा बोल्दै नेपाली काँग्रेसबाट वडा अध्यक्ष पदका उम्मेद्वार श्रीकृष्ण थारुले आफुलाई जिताउन वडावासीसँग आग्रह गरेका छन । कार्यक्रममा बोल्दै नेपाली काँग्रेस प्रचार प्रसार समितिका संयोजक लिल बहादुर रानाले सबैको साथ र सहयोगबाट निर्वाचन जित्न सक्ने भन्दै निर्वाचनमा सबै एक भएर लाग्नुपर्नेमा जोड दिए ।

कार्यक्रममा नेपाली काँग्रेसका नेता तथा कार्यकर्ता लगायत स्थानियको सहभागिता रहेको थियो भने कार्यक्रमको सहजिकरण नेपाली काँग्रेस कोहलपुर नगर सचिव भूम बहादुर भण्डारीले गरेका थिए ।

प्रकाशित मिति: मंगलबार, कात्तिक १९, २०७६ १०:३१