भारतमा भएको रेल दुर्घटनामा २२३ जनाको मृत्यु, ९ सय बढी घाइते

विश्व

गृहपृष्ठ
विश्व
भारतमा भएको रेल दुर्घटनामा २२३ जनाको मृत्यु, ९ सय बढी घाइते

भारतमा भएको रेल दुर्घटनामा २२३ जनाको मृत्यु, ९ सय बढी घाइते

शनिबार, जेठ २०, २०८० बागेश्वरी पोस्ट

नेपालगन्ज । भारतको ओडिशा राज्यमा भयानक रेल दुर्घटना हुँदा २२३ जनाको मृत्यु भएको छ । दुर्घटनामा ९ सय बढी घाइते भएका छन् ।

ओडिशाको बालासोर जिल्ला नजिकै शुक्रबार दुई वटा रेल एकआपसमा ठोक्किँदा २२३ जनाको मृत्यु भएको छ । दुर्घटनामा परी ९०० भन्दा बढी यात्रु घाइते भएको अन्तर्राष्ट्रिय समाचार एजेन्सीले जनाएका छन् ।

हावडा-चेन्नई कोरोमण्डल एक्सप्रेस मालगाडीसँग ठोक्किएपछि दुर्घटना भएको छ । साथै, अर्कोतर्फबाट आउँदै गरेको यशवंतपुर-हावडा सुपरफास्ट रेल पनि ठोक्किएको थियो ।

ओडिशाका मुख्य सचिव प्रदीप जेनाले ट्वीट गर्दै यस दुर्घटनामा मृत्यु हुनेको संख्या २३३ पुगेको बताएका छन् । दुर्घटनामा परी करिब ९०० जना घाइते भएको बताइएको छ ।

भारतका रेलमन्त्री अश्विनी वैष्णव आफैं दुर्घटनास्थल पुगेका छन् । उनले ट्वीट गर्दै दुर्घटनाप्रति गहिरो दुःख व्यक्त गर्दै मृतकका आफन्तलाई १० लाख रुपैयाँ क्षतिपूर्ति दिने घोषणा गरेका छन् ।

यसका साथै घाइतेहरुलाई उपचारका लागि २ लाख ५० हजार रुपैयाँ दिने बताइएको छ ।

प्रकाशित मिति: शनिबार, जेठ २०, २०८०, ०९:५४:००

प्रतिक्रिया दिनुहोस्