भारतको पिथौरगढमा तीन नेपाली मजदुरको हत्या

विश्व

गृहपृष्ठ
विश्व
भारतको पिथौरगढमा तीन नेपाली मजदुरको हत्या

भारतको पिथौरगढमा तीन नेपाली मजदुरको हत्या

सोमबार, कात्तिक ११, २०७६ बागेश्वरी पोस्ट

पिथौरागढ( भारत)। भारतमा तीन जना नेपालीको हत्या भएको छ। पिथौरागढमा तीन नेपाली मजदूरको हत्या भएको छ।उनीहरुको कात्तिक ८ गते हत्या भएपनि आइतबार मात्रै थाहा भएको हो। पुरचौंडी नगरपालिका–५ दहतालीका ३६ वर्षीय हरे बोहरा र सोही स्थानका २७ वर्षीय बीरा बोहरा तथा पुर्चौंडी नगरपालिका–४ भटना तडीखेतका ३६ वर्षीय काशी बोहराको हत्या भएको जिल्ला समन्वय समितिका उपप्रमुख धनबहादुर बोहराले बताएका हुन्।उनीहरुले पिथौरगढको सिलौलमड भन्ने ठाउँमा गएको डेढ वर्षयतादेखि मजदूरी गर्दै आइरहेका थिए। हरे बोहराकी श्रीमती किर्रा फरार रहेकीले यो घटनामा उनको संलग्नता हुनसक्ने आशङ्का गरिएको उपप्रमुख बोहराले बताएका छन्। शवलाई पिथौरागढ जिल्ला अस्पतालमा राखिएको छ। बीरा केही महीना अघि मात्रै दाजुभाउजूलाई भेट्न पिथौरागढ गएकामा उनी पनि उतै मजदूरी गर्दै आएका थिए। हत्या कसले गरेको हो भन्नेबारे खुल्न सकेको छैन।

प्रकाशित मिति: सोमबार, कात्तिक ११, २०७६ १०:३७