नेपालको सहमतिबिना भारतले लिपुलेक हुँदै मानसरोवरसम्म जाने बाटो एकलौटी उद्घाटन

विश्व

गृहपृष्ठ
विश्व
नेपालको सहमतिबिना भारतले लिपुलेक हुँदै मानसरोवरसम्म जाने बाटो एकलौटी उद्घाटन

नेपालको सहमतिबिना भारतले लिपुलेक हुँदै मानसरोवरसम्म जाने बाटो एकलौटी उद्घाटन

शुक्रबार, वैशाख २६, २०७७ एजेन्सी

नेपालगन्ज । भारतले लिपुलेक हुँदै मानसरोवरसम्म जाने बाटो एकलौटी उद्घाटन गरेको छ । भारतीय रक्षामन्त्री राजनाथ सिंहले लिपुलेक हुँदै मानसरोवरसम्म जाने बाटो उद्घाटन गरेका हुन् ।

सिंहले सामाजिक सञ्जाल ट्वीटरमा नेपालको सहमतिबिना नेपालकै भूमि हुँदै तिब्बतको मानसरोवरसम्म जाने उक्त बाटोको उद्घाटन शुक्रवार भिडियो कन्फरेन्समार्फत गरिएको उल्लेख गरेका छन् ।

‘आज मानसरोवर यात्राको लिंकरोडको उद्घाटन गर्न पाउँदा खुशी छु,’ उनले ट्वीटरमा लेखेका छन्, ‘बीआरओ (बोर्डर रोड अर्गनाइजेसन)ले धार्चुलादेखि लिपुलेक (चीन सीमा) सम्म कैलाश–मानसरोवर यात्रा मार्गको रूपमा चिनिने सडक जोडेको छ । भिडियो कन्फरेन्सिङको माध्यमबाट पिथौरागढबाट गुन्जीसम्म झण्डावाल गाडीहरू पनि पठाइयो ।’

बीआरओ भारतीय सेनाको सैन्य संरचना हो, जसले सीमा सडक निर्माण कार्य गर्दै आइरहेको छ । गतसाल भारतले नेपाली भूमि लिपुलेकलाई भारतको भूमि भन्दै नक्सामा समेटेको थियो ।

प्रकाशित मिति: शुक्रबार, वैशाख २६, २०७७ १६:१६