बेजोसले अमेजन कम्पनीको सीईओ पदबाट राजीनामा दिने

विश्व

गृहपृष्ठ
विश्व
बेजोसले अमेजन कम्पनीको सीईओ पदबाट राजीनामा दिने

बेजोसले अमेजन कम्पनीको सीईओ पदबाट राजीनामा दिने

शनिबार, जेठ १५, २०७८ बागेश्वरी पोस्ट

एजेन्सी । विश्वको सबैभन्दा धनाढ्य व्यक्ति इ कमर्श कम्पनी अमेजनका संस्थापक तथा सिइओ जेफ बेजोसले आगामी जुलाई ५ देखि प्रमख कार्यकारी अधिकृतको पदबाट राजीनामा दिने भएका छन् । बुधबार कम्पनीको वार्षिक शेयरधनी बैठकका क्रममा बेजोसले यस्तो घोषणा गरेका हुन् ।

राजीनामासँगै बेजोसले सिइओको जिम्मेवारी एन्डी जेस्सीलाई हस्तान्तरण गर्नेछन् । जेस्सीले अहिले अमेजन वेब सर्भिसको नेतृत्व गरिरहेका छन् । झण्डै ३ दशकसम्म कम्पनीको नेतृत्वमा रहेका बेजोस सिइओबाट राजिनामा पश्चात् पनि अमेजनको कार्यकारी अध्यक्षको रुपमा रहनेछन् ।

गत फेब्रुअरी महिनामा आयव्यय विवरण सार्वजनिक गर्ने क्रममा अमेजनले नेतृत्व परिवर्तनको घोषणा गरेको थियो । जस अनुसार जेस्सीले वर्षको तेश्रो त्रैमासिकमा कम्पनीको सिइओको जिम्मेवारी लिने बताइएको थियो तथापि जेफले राजिनामा दिएर जेस्सीले जिम्मेवारी लिने यकिन तिथि चाहिँ तोकिएको थिएन ।

जुलाई ५ तारेख आफ्नो लागि निकै भावनात्मक दिन रहेको बेजोसले बताएका छन् । बेजोसले सन् १९९४ को जुलाई ५ मा अमेजन कम्पनी स्थापना गरेका थिए ।

पछिल्लो २४ वर्षसम्म अमेजन कम्पनीमा काम गर्दै आएका र हाल कम्पनीको सबैभन्दा मुनाफायुक्त विभागको नेतृत्व गरिरहेका आगामी सिइओ जेस्सी कम्पनीका लागि असाधारण नेतृत्वको रुपमा स्थापित हुने अपेक्षा बेजोसले गरेका छन् ।

प्रकाशित मिति: शनिबार, जेठ १५, २०७८ १५:५४