माल्टाको लागि रेमलाल खनालको नेतृत्वमा समावेशी उम्मेदवारहरु घोषणा

विश्व

गृहपृष्ठ
विश्व
माल्टाको लागि रेमलाल खनालको नेतृत्वमा समावेशी उम्मेदवारहरु घोषणा

माल्टाको लागि रेमलाल खनालको नेतृत्वमा समावेशी उम्मेदवारहरु घोषणा

आइतबार, असार २७, २०७८ बागेश्वरी पोस्ट

माल्टा । निकट समयमै हुन लागी रहेको NRNA माल्टाको निर्वाचनको लागि नेपालबाट माल्टामा बसोबास गर्ने नेपालीहरुले समावेशी समूह बनाई उम्मेदवारहरु घोषणा गर्नुभएको छ । माल्टाको विभिन्न शहरमा आफ्नो व्यवसाय तथा रोजगारीको सिलसिलामा रहनुभएका महानुभावहरुले सबै क्षेत्रलाई समेटिने गरी समावेशी समूहको नाम दिँदै रेमलाल खनालको नेतृत्वमा उम्मेदवारी घोषणा गर्नुभएको सदस्य पदका उम्मेदवार रन्जित गिरीले बागेश्वरीपोस्ट डटकमलाई जानकारी दिनुभएकोछ ।

आज घोषणा गरिएको समावेशी समूहको तर्फबाट निम्नानुसारका उम्मेदवारहरु रहनुभएको गिरीले जानकारी दिनुभयो। समावेशी समूहको तर्फबाट अध्यक्षमा रेमलाल खनाल रहनुभएको छ । यसै गरी अन्य पदहरुमा क्रमशः ICC सदस्यमा प्रकाश भण्डारी, उपाध्यक्षमा नरेश खनाल, गोपाल पुन र स्वदेश राई, युवा उपाध्यक्ष पशुपति गौतम, महिला उपाध्यक्ष सविता भण्डारी, महासचिव आकाश गुरुङ, सचिब प्रदीप काफ्ले, सचिव राजेश पंगेनी रहनुभएकोछ ।

कोषाध्यक्षमा रमेश केसी रहनुभएकोछ भने सहकोषाध्यक्षमा ओमप्रकाश चौधरी रहनुभएको छ त्यसैगरी समावेशी समूहको तर्फबाट युवा संयोजकमा रोशन आचार्य, महिला संयोजक बबिता अधिकारी र सदस्यहरुमा क्रमशः विकेश घिमिरे, जनक श्रेष्ठ, रन्जीत गिरि, विकास गौतम, माधव भण्डारी र सुनिल रानामगर रहनुभएको छ ।

माल्टा बासी अग्रजहरूको सुझाव, युवाहरूको भरोसा र विश्वास अनि माल्टा बासी नेपालीहरु को सुख दुःखमा साथ रहने अठोटका साथ सामाजिक उत्तरदायित्व वहन गर्ने हेतुले आउँदै गरेको गैरआवासीय नेपाली संघ राष्ट्रिय समन्वय परिषद (NRNA)को निर्वाचनमा समावेशी समुहले विजय हासिल गर्ने विश्वास लिईएको छ ।

यस समावेशी समूहले रेमलाल खनालको अध्यक्षतामा आफ्नो परिपक्व उम्मेदवार हरुको समूह प्रस्तुत गरेको छ । यसले धेरैमा आशा जगाएको बुझिएको छ ।

खनाल नेतृत्वको समावेशी समूहले १३ बुँदे प्रतिबद्धता पत्र जारी गर्दै यस लाई आफ्नो विजय पश्चात लागु गर्ने बचनबद्धता सहित चुनावी घोषणापत्रको रुपमा अगाडि बढाइएको सदस्य पदका उम्मेदवार गिरीले जानकारी दिनुभएको छ ।

प्रकाशित मिति: आइतबार, असार २७, २०७८ ११:४६