इरानद्वारा अमेरिकी सेनाको हवाई अड्डामा मिसाइल आक्रमण

विश्व

गृहपृष्ठ
विश्व
इरानद्वारा अमेरिकी सेनाको हवाई अड्डामा मिसाइल आक्रमण

इरानद्वारा अमेरिकी सेनाको हवाई अड्डामा मिसाइल आक्रमण

बुधबार, पुस २३, २०७६ एजेन्सी

काठमाडौं ।इरानले अमेरिकामाथी जवाफी आक्रमण सुरु गरेको छ। इराकस्थित अमेरिकी सेनाको हवाई अड्डामा इरानले आक्रमण गरेको छ ।

अमेरिकी ड्रोन आक्रमणमा आफ्ना सैन्य कमान्डर सुलेमानी मारिएपछि क्रुद्ध बनेको इरानले त्यसको प्रतिक्रियास्वरूप इराकमा रहेको अमेरिकी सेनाको दुई हवाई अड्डामा दर्जन बढी ब्यालेस्टिक मिसाइल आक्रमण गरेको छ ।

अमेरिकाको रक्षा विभागले इरबिल र अल-असदका अलग-अलग सैन्य अखडामा इरानबाट मिसाइल आक्रमण भएको पुष्टि गरेको छ ।पेन्टागनका अनुसार, मिसाइल आक्रमणबाट अमेरिकी हवाई अड्डामा हताहती भएको छ या छैन भन्नेबारे प्रष्ट हुन बाँकी छ ।

इरानी सरकारी टेलिभिजनले इराकस्थित अमेरिकी सैन्य अखडामा इरानले आक्रमण गरेको जनाएको छ । अमेरिकी राष्ट्रपति डोनाल्ड ट्रम्पको निर्देशनमा आफ्ना सैन्य कमान्डरको ज्यान गएकाले त्यसको बदलास्वरूप प्रतिआक्रमण गरिएको इरानी रिभोलुसनरी गार्डको भनाइ छ ।

प्रकाशित मिति: बुधबार, पुस २३, २०७६ ०८:२३