एमविविएसमा नाम निकालेका आचार्यलाई आदर्शद्वारा सम्मान

शिक्षा

गृहपृष्ठ
शिक्षा
एमविविएसमा नाम निकालेका आचार्यलाई आदर्शद्वारा सम्मान

एमविविएसमा नाम निकालेका आचार्यलाई आदर्शद्वारा सम्मान

शुक्रबार, चैत ३, २०७९ बागेश्वरी पोस्ट

नेपालगञ्ज । नेपालगञ्जस्थित आदर्श माध्यमिक विद्यालयका विद्यार्थी सुवास आचार्यले एमविविएसको प्रवेश परीक्षामा नवौं स्थानमा नाम निकाल्न सफल भएका छन् । चिकित्सा शिक्षा आयोगद्वारा २०७९ मा प्रकाशित शैक्षिक कार्यक्रमहरुको एकीकृत प्रवेश परीक्षा अन्तर्गत स्नातक तहको एमविविएसको प्रवेश परीक्षामा उनले नवौं स्थानमा नाम निकालेका हुन् ।

उक्त परीक्षामा देशभरबाट करिब १५ हजार बढी विद्यार्थी सहभागी थिए । प्रवेश परीक्षाको नजिता पश्चात आचार्यलाई आदर्श माविले सम्मान गरेको आदर्शका विज्ञान संकायका संयोजक चेत चापागाईंले बताए । चापागाईंका अनुसार आदर्शले आचार्यलाई सम्मान गर्दै पुरस्कार स्वरुप स्वास्थ्य सामग्री समेत प्रदान गरेको छ । उज्ज्वल भविष्यका लागि आचार्यलाई अझ मेहेनत गर्न सम्मान गरेर हौसला प्रदान गरेको चापागाईंले बताए । आचार्यलाई चापागाईंसहित विद्यालयका सल्लाहकार प्रकाश लामिछाने, विद्यालय प्रमुख इश्वरप्रसाद पोखरेल, प्राचार्य विरभान केसी लगायतले सम्मान गरेका हुन् । सम्मान पश्चात आचार्यले आफूलाई थप हौसला प्रदान भएको र भाविष्यमा आफूले कडा मेहेनत गर्ने बताए ।

जुम्ला घर भएका आचार्य नेपालगञ्ज उपमहानगरपालिकाको वडा नम्बर १८ मा बसोबास गर्छन् । उनले २०७७/७८ मा आदर्शबाट विज्ञान संकायमा १२ कक्षा उत्तिर्ण गरेका थिए । आचार्यले कक्षा ५ देखि आदर्शमा अध्ययन गरेका थिए । यसका अलवा आचार्य चिकित्सा शिक्षा आयोगले लिएको प्रवेश परीक्षामा विडिएसतर्फ नेपाल प्रथम समेत भएका छन् । १२ कक्षा उत्तिर्ण भए पश्चात आचार्यले विडिएस र एमविविएसको तयारी गरेका थिए ।

अघिल्लो वर्ष पनि आदर्शका दुई विद्यार्थीले एमविविएसमा नाम निकाल्न सफल भएका थिए । हालसम्म आदर्शबाट करिब १० जना विद्यार्थीले एमविविएसको प्रवेश परीक्षामा नाम निकालिसकेका छन् ।

प्रकाशित मिति: शुक्रबार, चैत ३, २०७९, २०:०७:००

प्रतिक्रिया दिनुहोस्