मेरो टुकी प्रज्ञालय स्कुलले ८औं वार्षिकोत्सव मनायो

शिक्षा

गृहपृष्ठ
शिक्षा
मेरो टुकी प्रज्ञालय स्कुलले ८औं वार्षिकोत्सव मनायो

मेरो टुकी प्रज्ञालय स्कुलले ८औं वार्षिकोत्सव मनायो

आइतबार, चैत २४, २०८१ बागेश्वरी पोस्ट

नेपालगञ्ज । नेपालगञ्जमा अवस्थित मेरो टुकी प्रज्ञालय स्कुलले आफ्नो ८औं वार्षिकोत्सव शनिवार विविध कार्यक्रम गरी मनाएको छ । वार्षिकोत्सव समारोहमा बालबालिकाले विभिन्न नृत्य र सांस्कृतिक प्रस्तुति गरेका थिए । १७ वटा नृत्य र सांस्कृतिक कार्यक्रमको कोरियोग्राफी प्रशिक्षिका मनिषा परियारले गरेकी थिइन् । समारोहमा कक्षा १ सम्मका १६ जना बालबालिकाले सितोरियो कराँतेका विविध काँता प्रदर्शन गरेका थिए । प्रज्ञालयमा कराँते प्रशिक्षक सकिल राइनले प्रशिक्षण दिन्छन् ।

समारोहमा शैक्षिक सत्र २०८१ सालमा विविध विधामा उत्कृष्ट बालबालिकालाई पुरस्कृत गरिएको थियो । प्रज्ञालयले प्रोफेसर हावर्ड गार्डनरले प्रतिपादन गरेको ८ बहुवौद्धिक क्षमताका आधारमा हरेक बालबालिकालाई मञ्चमा बोलाई सम्मानित र पुरस्कृत गर्ने गरेको सञ्चालक प्रिन्सिपल कल्पना शर्माले बताइन् । प्रज्ञालयले हरेक बालबालिकालाई समान व्यवहार गर्ने उनको भनाई थियो । बालबालिकालाई डा. शंकर केसी, विनोद अग्रहरी, डा. सपना शर्मा, डा. नवीन तिमिल्सेना, सञ्चालक प्रिन्सिपल शर्मा तथा प्रज्ञालयका संस्थापक भोजराज शर्माले प्रमाणपत्र तथा उपहार प्रदान गरेका थिए ।

वि.सं. २०७४ मा स्थापित प्रज्ञालयले शिक्षासँगै व्यवहार ज्ञान, प्रज्ञा, संस्कार र सिर्जना र मनोवैज्ञानिक समानतालाई प्राथमिकता दिएको संस्थापक संचालक शर्माले बताए । धम्बोझीमा अवस्थित कक्षा ३ सम्म सञ्चालन अनुमति पाएको प्रज्ञालय निजी शैक्षिक गुठी हो ।

प्रकाशित मिति: आइतबार, चैत २४, २०८१ १६:२३

प्रतिक्रिया दिनुहोस्