६ सय छात्रालाई साइकल वितरण गर्दै नरैनापुर

शिक्षा

गृहपृष्ठ
शिक्षा
६ सय छात्रालाई साइकल वितरण गर्दै नरैनापुर

६ सय छात्रालाई साइकल वितरण गर्दै नरैनापुर

सोमबार, मंसिर १३, २०७८ बागेश्वरी पोस्ट

नेपालगन्ज । बाँकेको नरैनापुर गाउँपालिकाले छात्राहरुलाई निःशुल्क साइकल वितरण गर्ने भएको छ । गाउँपालिका भित्रका सामुदायिक विद्यालयका कक्षा ६ देखि कक्षा १२ सम्मका सबै छात्राहरुलाई गाउँपालिकाले केही दिनभित्र साइकल वितरण गर्ने भएको हो ।

शैक्षिक प्रवर्द्धन तथा विद्यालय भर्ना अभियानलाई बढाउने उद्देश्यका साथ गाउँपालिकाभित्र पर्ने सबै समुदायिक विद्यालयका ६ देखि कक्षा १२ सम्मका ६ सय जना छात्राहरुलाई साइकल वितरण गर्न लागेको गाउँपालिकाका प्रमुख प्रशासकीय अधिकृत दलबहादुर बस्नेतले जानकारी दिएका छन् ।

गाउँपालिकाले सबै ६ सय जना छात्राहरुको विवरण तयार पारिसकेको हुँदा ३ दिनपछि उनीहरुलाई साइकल वितरण गरिने बस्नेतले बताए । बाँके जिल्लामै पहिलोपटक नरैनापुर गाउँपालिकाले कक्षा ६ देखि १२ सम्मका छात्राहरुलाई साइकल वितरण गर्न लागेको बस्नेतले जनाए ।

प्रकाशित मिति: सोमबार, मंसिर १३, २०७८ १४:१७