भालुले चिथोर्दा गोरे घाइते

स्वास्थ्य

गृहपृष्ठ
स्वास्थ्य
भालुले चिथोर्दा गोरे घाइते

भालुले चिथोर्दा गोरे घाइते

बिहीबार, जेठ ४, २०८० बागेश्वरी पोस्ट

नेपालगन्ज । तनहुँको व्यास नगरपालिकाका भालुको आक्रमणबाट एक जना घाइते भएका छन् ।

घाइते हुनेमा व्यास–८ मलपौरेका ३५ वर्षीय गोरे विक रहेका छन् ।

आज बिहान पाँच बजे घर नजिकैको मकै बारीमा मकै खान आएको भालु धपाउन जाँदा भालुले विकमाथि आक्रमण गरेको वडाध्यक्ष युवराज गुरुङले बताए ।

घाइते विकको स्थानीयले तत्काल उद्धार गरी रिस्तीस्थित स्वास्थ्य चौकी लगिएको थियो । विकलाई थप उपचारका लागि दमौली अस्पताल लगिएको जिल्ला प्रहरी कार्यालयले जनाएको छ ।

भालुले चिथोर्दा उनको दाहिने आँखाको माथिल्लो भागमा घाउ भएको छ । रासस

प्रकाशित मिति: बिहीबार, जेठ ४, २०८०, १२:३३:००