भेरी अस्पतालमा उपचाररत ४० जना भूकम्पका घाइते डिष्चार्ज

स्वास्थ्य

गृहपृष्ठ
स्वास्थ्य
भेरी अस्पतालमा उपचाररत ४० जना भूकम्पका घाइते डिष्चार्ज

भेरी अस्पतालमा उपचाररत ४० जना भूकम्पका घाइते डिष्चार्ज

शनिबार, कात्तिक २५, २०८० बागेश्वरी पोस्ट

नेपालगन्ज । जाजरकोट भूकम्पमा परी घाइते भएर नेपालगन्जस्थित भेरी अस्पतालमा उपचाररत ४० जना डिष्चार्ज भएका छन् । आज थप २२ जना निको भएर घर फर्केपछि उपचारपछि डिष्चार्ज हुनेको संख्या ४० पुगेको हो । शुक्रबार साँझ पनि १३ जना डिष्चार्ज भएका थिए । त्यस अघि ५ जना डिष्चार्ज भएका थिए । सबैजसो जाजरकोट र रुकुम पश्चिमका हुन् ।

उनीहरुलाई सम्बन्धित जिल्लाको घर नजिकसम्म भेरी यातायात ब्यबसायी संघको समन्वयमा नि:शुल्क पठाइएको हो । बाँके युनेस्को क्लबले उपलब्ध गराएको २५ किलो चामल, ५ किलो दाल र २ लिटर तेल समेतको राहत प्याकेजसहित उनीहरूलाई घरतर्फ पठाइएको प्रमुख जिल्ला अधिकारी बाँकेका श्रावणकुमार पोखरेलले जानकारी दिए । उनीहरुलाई कम्मल र त्रिपाल पनि १-१ थान विपद व्यवस्थापन समितिले उपलब्ध गराएको छ ।

अब भेरी अस्पतालमा जाजरकोट भूकम्पका १४ जना उपचाररत छन् । ५८ जना उपचारका लागि भर्ना भएकोमा ३ जनालाई काठमाडौं रिफर गरिएको थियो भने एक जनाको मृत्यु भएको जिल्ला आपतकालीन कार्य संचालन केन्द्रका फोकल पर्सन नरेश श्रेष्ठले बताए ।

प्रकाशित मिति: शनिबार, कात्तिक २५, २०८०, १४:५२:००

प्रतिक्रिया दिनुहोस्