स्थायी बन्ध्याकरण शिविरमा बन्ध्याकरण गर्ने महिला धेरै

स्वास्थ्य

गृहपृष्ठ
स्वास्थ्य
स्थायी बन्ध्याकरण शिविरमा बन्ध्याकरण गर्ने महिला धेरै

स्थायी बन्ध्याकरण शिविरमा बन्ध्याकरण गर्ने महिला धेरै

बुधबार, मंसिर २०, २०८० बागेश्वरी पोस्ट

नेपालगञ्ज । बाँकेमा संचालित महिला तथा पुरुष स्थायी बन्ध्याकरण शिविरमा बन्ध्याकरण गर्नेमा महिला धेरै रहेका छन् । स्वास्थ्य कार्यालय बाँकेले स्थानीय पालिकाहरुमा सञ्चालन गरेको घुम्ती बन्ध्याकरण शिविरमा सेवा लिने महिला धेरै देखिएका हुन् ।

स्वास्थ्य कार्यालय बाँकेका फोकल पर्सन देवनारायण उपाध्यायले अहिलेसम्म तीन ठाउँमा गरिएको बन्ध्याकरण शिविरमा ३७ जना महिला र ५ जना पुरुषले सेवा लिएको जानकारी दिए । राप्तीसोनारी अस्पताल बैजापुरमा १४ जना महिला र १ पुरुष, गंगापुरमा ८ जना महिला र ३ पुरुष, आधारभूत स्वास्थ्य केन्द्र राप्तीसोनारीमा १५ जना महिला र १ जना पुरुषले बन्ध्याकरण गरेका छन् ।

बाँकेमा विगतदेखि नै धेरै मिनील्याप हुने गरेको पाइन्छ । पुरुषले भ्यासेक्टोमी अति नै कम गर्छन् । "पुरुषले बाहिर गएर काम गर्नुपर्छ, अपरेशन गर्दा कमजोर हुन सक्छ भन्ने मानसिकता छ," फोकलपर्सन उपाध्यायले भने-"महिलालाई भन्दा पुरुषलाई बन्ध्याकरण गर्न सहज हुन्छ । तन्दुरुस्त पनि पुरुष छिटो हुन्छ ।"

प्रकाशित मिति: बुधबार, मंसिर २०, २०८० २०:१४

प्रतिक्रिया दिनुहोस्