राप्तीसोनारीमा १५ शैयाको अस्पताल स्थापना गर्ने निर्णय

स्वास्थ्य

Home
स्वास्थ्य
राप्तीसोनारीमा १५ शैयाको अस्पताल स्थापना गर्ने निर्णय

राप्तीसोनारीमा १५ शैयाको अस्पताल स्थापना गर्ने निर्णय

बुधवार, भदौ ३१, २०७७ बागेश्वरी पोस्ट

बाँके। राप्तीसोनारी गाउँपालिकाले १५ शैयाको अस्पताल स्थापना गर्ने भएको छ । राप्ती सोनारी गाउँपालिका वडा नम्बर ४ मा रहेको बैजापुर स्वास्थ्य चौकीको स्तरोन्नती गरेर अस्पताल स्थापना गर्न लागिएको हो ।अध्यक्ष लाहुराम थारुको अध्यक्षतामा बसेको गाउँपालिकाको कार्यपालिका बैठकले यस्तो निर्णय गरेको प्रमुख प्रशासकीय अधिकृत दलबहादुर बस्नेतले जानकारी दिनुभयो । यस्तै बैठकले हरेक वडामा १/१ जनाको दरले ९ वटै वडामा पशु प्राविधिक राख्ने निर्णय पनि गरेको उहाँले बताउनु भयो । यसैगरी गाउँपालिका क्षेत्रमा रहेका ऐलानी जग्गा पनि ब्यवस्थापन गर्ने बैठकले निर्णय गरेको छ । यसका लागि सबै वडामा ६ महिनाका लागि अमिनको ब्यवस्था गरिनेछ । गाउँपालिकाको सबै वडामा ब्यवसाय दर्ता अभियान सञ्चालन गर्न टोली खटाउने, प्रधानमन्त्री रोजगार कार्यक्रम तत्काल सुरु गर्ने, चालु आर्थिक वर्षका योजना कार्यक्रम तत्काल गर्ने, राप्तीसोनारी गाउँपालिका वडा नम्बर ९ ढकेरीमा कोसेली घर निर्माण गर्ने, राप्तीसोनारी बाटो ग्राभेल अभियान सबै वडामा सञ्चालन गर्ने लगायत निर्णय भएको प्रमुख प्रशासकीय अधिकृत बस्नेतले बताउनु भएको छ ।

प्रकाशित मिति: बुधवार, भदौ ३१, २०७७, ०९:२५:००

प्रतिक्रिया दिनुहोस्