बाँकेमा थप ४ जना कोरोना संक्रमितको मृत्यु

स्वास्थ्य

गृहपृष्ठ
स्वास्थ्य
बाँकेमा थप ४ जना कोरोना संक्रमितको मृत्यु

बाँकेमा थप ४ जना कोरोना संक्रमितको मृत्यु

मंगलबार, वैशाख २१, २०७८ बागेश्वरी पोस्ट

नेपालगन्ज । बाँकेमा कोरोना संक्रमणबाट थप ४ जनाको मृत्यु भएको छ।

कोरोनाबाट मृत्यु हुनेमा ५५ बर्षदेखि ८० बर्षसम्मका रहेका छन् । कोरोनाबाट मृत्यु हुनेमा नेपालगन्ज १० का ७० बर्षीय पुरुष रहेका छन् । उनको गएराती ११ बजेर ४० मिनेटमा नेपालगन्ज मेडिकल कलेज कोहलपुरमा उपचारका क्रममा मृत्यु भएको कोरोना फोकल पर्सन तेज ओलीले जानकारी दिएका छन् ।

त्यस्तै नेपालगन्ज मेडिकल कलेज कोहलपुरमा उपचारका क्रममा बर्दगोरिया ६ कैलाली का ८० बर्षीय पुरुषको गएराती ११ बजेर ५० मिनेटमा मृत्यु भएको छ । सोही अस्पतालमै धनगढी ११ कैलालीकै ५५ बर्षीय पुरुषको मंगलबार बिहान साढे ४ बजे मृत्यु भएको कोरोना फोकल पर्सन ओलीले बताए ।

मृत्यु हुने चौथो संक्रमित भने बाँके बैजनाथ ५ की ६२ बर्षीया महिला रहेकी छिन् । उनको बिहान साढे ६ बजे नेपालगन्ज मेडिकल कलेज कोहलपुरमा उपचारका क्रममा मृत्यु भएको हो ।

यो संगै बाँकेमा कोरोना संक्रमणबाट मृत्यु हुनेको संख्या १४१ र बाहिरी जिल्लाका बाँकेमा उपचार गराइरहेका १२५ संक्रमितहरुको मृत्यु भएको छ ।

प्रकाशित मिति: मंगलबार, वैशाख २१, २०७८, ०८:५७:००