आफू बिरामी पर्दा समेत संक्रमितको उपचारमा तल्लीन अध्यक्ष बेहना

स्वास्थ्य

गृहपृष्ठ
स्वास्थ्य
आफू बिरामी पर्दा समेत संक्रमितको उपचारमा तल्लीन अध्यक्ष बेहना

आफू बिरामी पर्दा समेत संक्रमितको उपचारमा तल्लीन अध्यक्ष बेहना

मंगलबार, वैशाख २१, २०७८ बागेश्वरी पोस्ट

नेपालगन्ज । नेपालगन्जमा रहेका दुई वटा कोरोना आइसोलेसनमा अहिले कोरोना संक्रमितहरुको उपचार गरिदै आएको छ।

नेपालगन्ज उपमहानगरपालिकाद्वारा सन्चालन गरिएको नेपालगन्ज आइसोलेसन सेन्टरमा ३ जना महिला र ६ जना पुरुष गरि ९ र नेपालगन्ज वडा नम्बर ४ ले सुरु गरेको गरेको अक्सिजन सहितको कोभिड आइसोलेसन सेन्टरमा ४ महिला र २ पुरुष गरि ६ जना बिरामीहरु उपचार गरिदै छ।

जनस्वास्थ्य निरीक्षक जागेश्वर बस्नेत कोरोना संक्रमितको उपचारमा

अस्पतालहरुमा बेडको अभावका कारण बनाइएका दुई वटै अक्सिजनसहितका आइसोलेसनहरुमा अक्सिजन आबश्यक पर्ने कोरोना संक्रमितहरुलाई मात्र भर्ना गरिएको नेपालगन्जका जनस्वास्थ्य निरीक्षक जागेश्वर बस्नेतले बताए। बस्नेतका अनुसार नेपालगन्जमा रहेका दुई वटा आइसोलेसनले संक्रमित बिरामीलाई धेरै राहत दिएको छ।

नेपालगन्ज ४ को कोरोना आइसोलेसनमा भर्ना भएका संक्रमित

उता नेपालगन्ज ४ मा रहेको आइसोलेसनमा २ जना चिकित्सक,५ जना नर्स लगायतका स्वास्थ्यकर्मीहरुले कोरोना संक्रमितहरुलाई उपचार गरिरहेका छन् भने नेपालगन्ज आइसोलेसन सेन्टरमा बिरामीहरुको चाप बढेपछि त्यहाँका स्वास्थ्यकर्मीहरुलाई पानी पिउन समेत नमिलेको अवस्था छ।

नेपालगन्ज ४ का वडा अध्यक्ष मो. सफिक बेहना आफू बिरामी परेर आराम गरिरहेको अवस्थामा भर्ना भएका संक्रमितहरुको बारेमा दिनरात निगरानी गरिरहेका छन् । आफू त्यहाँ पुग्न नसकेपनि सिसीटिभी हेर्दै अध्यक्ष बेहनाले बिरामीहरुका बारेमा आइसोलेसनमा रहेका स्वास्थ्यकर्मीहरुसँग परामर्श गरिरहेका छन् ।

अध्यक्ष बेहनाले आफ्नो आइसोलेसनमा कार्यरत स्वास्थ्यकर्मीहरुलाई मनोबल उच्च राखी संक्रमित बिरामीहरुको उपचार गर्न अनुरोध गरेका छन्

प्रकाशित मिति: मंगलबार, वैशाख २१, २०७८ १०:०३

प्रतिक्रिया दिनुहोस्