स्वावलम्बी ज्येष्ठ नागरिक समाजको १०औँ वार्षिक साधारणसभा सम्पन्न, हमालको अध्यक्षतामा नयाँ कार्यसमिति

स्थानीय

गृहपृष्ठ
स्थानीय
स्वावलम्बी ज्येष्ठ नागरिक समाजको १०औँ वार्षिक साधारणसभा सम्पन्न, हमालको अध्यक्षतामा नयाँ कार्यसमिति

स्वावलम्बी ज्येष्ठ नागरिक समाजको १०औँ वार्षिक साधारणसभा सम्पन्न, हमालको अध्यक्षतामा नयाँ कार्यसमिति

शुक्रबार, साउन १५, २०८३ बागेश्वरी पोस्ट

नेपालगञ्ज । स्वावलम्बी ज्येष्ठ नागरिक समाज नेपाल, नेपालगञ्ज-१ धम्बोजीको १०औँ वार्षिक साधारणसभा शुक्रबार सम्पन्न भएको छ ।

साधारणसभाले नरबहादुर हमालको अध्यक्षतामा नयाँ कार्यसमिति सर्वसम्मत रूपमा चयन गरेको छ । नवगठित कार्यसमितिमा १० जना निर्वाचित सदस्य रहने तथा थप एक जना सदस्य मनोनयन गर्ने सचिव हेमराज सुवेदीले जानकारी दिए । साधारणसभामा संस्थाको वार्षिक प्रगति विवरण, आर्थिक प्रतिवेदन तथा आगामी कार्ययोजनामाथि छलफल गरिएको थियो । सहभागीहरूले ज्येष्ठ नागरिकहरूको हक, हित र कल्याणका लागि संस्थाले अझ प्रभावकारी भूमिका निर्वाह गर्नुपर्नेमा जोड दिएका थिए ।

नवनिर्वाचित अध्यक्ष हमालले आफूलाई दिएको जिम्मेवारी इमानदारीपूर्वक निर्वाह गर्दै ज्येष्ठ नागरिकहरूको सामाजिक सुरक्षा, सम्मान र सक्रिय सहभागिताका लागि संस्थालाई थप सशक्त बनाउने प्रतिबद्धता व्यक्त गरे । साधारणसभामा गैसस बाँकेका अध्यक्ष मन भण्डारी, पत्रकार महासंघ बाँकेका सदस्य रविन्द्र घिमिरे लगायत समाजका पदाधिकारी, सदस्य तथा विभिन्न क्षेत्रका प्रतिनिधिहरूको उपस्थिति रहेको थियो । साधारणसभाको निर्वाचनका लागि विष्णुप्रसाद खनालको संयोजकत्वमा बीर बहादर हमाल र शालिकराम आचार्य सदस्य रहेको निर्वाचन मण्डल गठन गरिएको थियो ।

प्रकाशित मिति: शुक्रबार, साउन १५, २०८३ १९:४६

प्रतिक्रिया दिनुहोस्