खाद्य बिज्ञान र प्रविधिको नवौं सम्मेलन, फुड कन्फरेन्समा विद्यार्थीहरुलाई दर्ता आव्हान

विज्ञान-प्रबिधि

गृहपृष्ठ
विज्ञान-प्रबिधि
खाद्य बिज्ञान र प्रविधिको नवौं सम्मेलन, फुड कन्फरेन्समा विद्यार्थीहरुलाई दर्ता आव्हान

खाद्य बिज्ञान र प्रविधिको नवौं सम्मेलन, फुड कन्फरेन्समा विद्यार्थीहरुलाई दर्ता आव्हान

मंगलबार, असोज ५, २०७८ विक्रमराज विष्ट

नेपालगन्ज । खाद्य तथा पोषण अत्यन्त संवेदशनशील र महत्वपूर्ण कुरा हो । यस विषयमा पछिल्ला समयमा नेपालमा पनि धेरै प्रयोग, अध्ययन र नविनतम खोजीहरु भइरहेका छन् । यसैक्रममा पछिल्लो ९ वर्षदेखि नेपालमा नेपाल खाद्य वैज्ञानिक तथा प्राविधिक संघको संयोजकत्वमा वार्षिक रुपमा फुड कन्फरेन्सको आयोजना गरिँदै आएको छ ।

यस विषयमा विशेषज्ञदेखि विद्यार्थीहरु, व्यवसायी, शोधकर्ता अनि प्रयोगकर्ताहरुसम्म उत्साहित रुपमा सहभागी भएर आयोजना हुने यस राष्ट्रिय खाद्य सम्मेलनमा यस वर्ष पनि सबै जनालाई आमन्त्रण गरिएको छ । नेपाल खाद्य वैज्ञानिक तथा प्राविधिक संघ, खाद्य प्रविधि तथा गुण नियन्त्रण विभाग, केन्द्रिय प्रविधि क्याम्पस धरान, वलियो नेपाल पोषण कार्यक्रम र वाइपी यार्ड एसिया प्यासिफिकको संयूक्त आयोजनामा सम्मेलन यही असोज महिनाको १५ र १६ गतेका दिन काठमाडौंको एभरेष्ट होटल नयाँ बानेश्वरमा हुँदैछ ।

दुई दिनको उक्त कार्यक्रममा सहभागी हुनका लागि हरेक सहभागीहरुले निर्धारित शुल्क तिर्नुपर्ने हुन्छ जुन यस कार्यक्रम आयोजनामा नै खर्च गरिनेछ । यसरी नेपालमा खाद्यन्न र प्रविधिसंग सम्बन्धित बिज्ञ, विद्यार्थी र प्रयोगकर्ताहरुलाई एकै थलोमा ल्याएर सम्मेलनको आयोजना गरिनु आफैंमा उत्साहजनक कुरा हो । त्यसमाथि खाद्य प्रविधि अध्यनरत र शोध गरिरहेका विद्यार्थीहरुको हकमा भने यसरी सम्मेलनमा सहभागी भई नयाँ कुरा जान्ने, प्रश्नोत्तर गर्ने र सहभागी भएको प्रमाणपत्र प्राप्त गर्नु अत्यन्त फलदायी रहेको पाइन्छ ।

कार्यक्रममा खाद्य प्रविधिसंग सम्बन्धित कलेजहरु र अन्तर्राष्ट्रिय शोधकर्ताहरुको पनि उपस्थिति हुनेछ । यस वर्ष यस खाद्य सम्मेलनमा भाग लिनका लागि भर्चुअल सेसनहरुको समेत ब्यबस्था गरिएको छ, नेपालको कुनै पनि कुनामा रहेका विद्यार्थीहरुले सहजै आफूलाई रजिष्टर गरेर प्रविधिमार्फत् यस कन्फरेन्समा सहभागी जनाउन सहजै सक्नेछन् । रजिष्टरका लागि निम्न लिंकमा जान सकिन्छ । https://docs.google.com/forms/d/e/1FAIpQLScr-iM98AqZQatUf_niHFqelyUT0tZJEkNUDJx3e_Tvka1PiQ/viewform?fbclid=IwAR33lkiQCbv-AafB1SSHGowZ40qGQiqD_HuhvNwlIGdwABa-NwPqu8WUcww

नेपालगन्ज र आसपासका कलेज र विद्यार्थीहरुका लागि यस कन्फरेन्सको महत्व आत्मसाथ गरेर हामीले यस समाचारलाई प्रकाशन गरेका हौं । थप जानकारीका लागि ०१-४२५६६२४ अथवा ९८०४०६०६८१ मा अभिशेकजी लाई कल गर्न सकिनेछ ।

प्रकाशित मिति: मंगलबार, असोज ५, २०७८ १४:५३