बाँकेको खजुरामा साईबार क्राइमबारे सचेतना कार्यक्रम

विज्ञान-प्रबिधि

गृहपृष्ठ
विज्ञान-प्रबिधि
बाँकेको खजुरामा साईबार क्राइमबारे सचेतना कार्यक्रम

बाँकेको खजुरामा साईबार क्राइमबारे सचेतना कार्यक्रम

बिहीबार, मंसिर २६, २०७६ बागेश्वरी पोस्ट

नेपालगञ्ज । किशोरी तथा बालबालिकालाई सचेत गराउने उद्श्यले विभिन्न वडामा साईवर क्राइम सम्वन्धी अन्तरक्रिया गरिएको छ । प्लान नेपालको सहयोगमा बाँके यूनेस्कोको समन्वयमा वडास्तरमा सो बारे सचेतनात्मक सहजीकरण गरिएको हो ।

खजुरा गाउँपालिका वडा न ३ र बैजनाथ गाउँपालिका वडा न ८ मा बाल अधिकार समितीका पदाधिकारी, किशोरी, महिला र यूवालाई लक्षित गर्दै कार्यक्रम गरिएको हो । इन्टरनेट, साईवर क्राइम, सामाजिक सञ्जाल र यसको उपयोगिता, इन्टरनेटमा हुने बाल दुव्र्यवहार, जोखिम, बच्न सकिने उपाय आदि विषयमा सहजकर्ता एवं पत्रकार शुक्रऋषि चौलागाईले सहजीकरण गर्नु भएको थियो ।

बुधबार बैजनाथ गाउपालिका ८ मा अन्तरक्रियात्मक कार्यक्रम गरिएकोमा बीहीबार खजुरा ३ वडा कार्यालयमा अन्तरक्रियात्मक सहजीकरण गरिएको थियो । कार्यक्रममा वडा न ३ का अध्यक्ष कान्तु राम गौतमले इन्टरनेटको सदुपयोगसँगै दुरुपयोग समेत बढेकाले हरेक किशोर किशोरी मात्र हैन, अभिभावक समेत सचेत हुनपर्ने आवश्यक्ता औल्याउनु भयो ।

दुवै वडामा बालबालिका सम्वन्धी गरिने आगामी कार्यक्रमको कार्ययोजना पनि तयार गरिएको बाँके यूनेस्कोका फिल्ड सुपर भाइजर शंकर सिंह थारुले जानकारी दिनु भयो ।

प्रकाशित मिति: बिहीबार, मंसिर २६, २०७६ १८:२१