नेपालगञ्जमा ‘क्यान इन्फोटेक २०२५’ हुँदै

विज्ञान-प्रबिधि

गृहपृष्ठ
विज्ञान-प्रबिधि
नेपालगञ्जमा ‘क्यान इन्फोटेक २०२५’ हुँदै

नेपालगञ्जमा ‘क्यान इन्फोटेक २०२५’ हुँदै

बुधबार, माघ ९, २०८१ बागेश्वरी पोस्ट

नेपालगञ्ज । नेपालगञ्जमा ‘क्यान इन्फोटेक २०२५’ आयोजना हुने भएको छ । माघ १० देखि २२ गतेसम्म ‘क्यान इन्फोटेक २०२५’ आयोजना हुने भएको हो ।

सूचना तथा सञ्चार प्रविधि क्षेत्रमा विकास भएका नयाँ नयाँ प्रविधिको प्रदर्शनी तथा यस क्षेत्रको विकासका लागि क्यान महासंघ बाँकेले क्यान इन्फोटेक आयोजना गर्न लागेको हो । क्यानले आज नेपालगञ्जमा पत्रकार सम्मेलन गरेर यसबारे जानकारी गराएको हो । क्यान इन्फोटेकको ५औं संस्करण नेपालगञ्ज उद्योग वाणिज्य संघको आयोजनामा नेपालगञ्जमा हुने प्रादेशिक महोत्सवमा हुन लागेको छ । त्यसका लागि क्यान महासंघ बाँके र नेपालगञ्ज उद्योग वाणिज्य संघबीच सम्झौता भएको छ ।

५औं क्यान इन्फोटेकको मुख्य प्रायोजकमा आइएनजीस्क्रीन रहेको छ, जसको इम्पोर्टर सगरमाथा आइटी ट्रेडर्स हो र सह-प्रायोजकमा डिजिटल पालिका रहेको छ । प्रायोजनका आधारमा यसको आधिकारिक नाम 'आइएनजीस्क्रीन ५औं क्यान इन्फोटेक २०२५ इन एसोसिएसन विथ डिजिटल पालिका' रहेको छ । त्यस्तै ५औं क्यान इन्फोटेक २०२५ को प्लाटिनम स्पोन्सरमा म्याक्सिमा हिकभिजन (उग्रतारा इन्फोसिस), गोल्ड स्पोन्सरमा डिजिटल कर्नर तथा सिल्भर स्पोन्सरमा सेन्चुरी कम्प्युटर सप्लायर्स रहेका छन् ।

प्रदर्शनीको सीसीटीभी सर्भिलेन्स पार्टनर म्याक्सिमा हिकभिजन, एजुकेशन पार्टनरमा नेपालगञ्ज क्याम्पस, अब्रोड स्टडी पार्टनरमा अल्फा बिटा, पावर सोलुसन पार्टनर पावर म्याक्स इन्स्ट्रुमेन्ट इन्डस्ट्रिज, इगभर्नेन्स पार्टनर खजुरा गाँउपलिका, गभर्मेन्स युनिभर्सिटी पार्टनर लुम्बिनी टेक्नोलोजिकल युनिभर्सिटी, बीमा पार्टनर सिद्धार्थ प्रिमियर इन्स्योरेन्स लिमिटेड, इन्टरनेट पार्टनर भायनेट कम्युनिकेसन लिमिटेड, डिजिटल डिजाइन पार्टनर नेक्स्ट जेन इन्फोसिस प्रालि रहेको क्यान महासंघ बाँकेका अध्यक्ष यज्ञराज जोशीले बताए ।

त्यस्तै प्रिन्टिङ पार्टनरमा ओम विज्ञापन, इभेन्ट म्यानेजमेन्ट पार्टनर लाइक माइन्ड्स इभेन्ट, इनोभेसम पार्टनर इनोभेसन र नवप्रवर्तन केन्द्र, सोशल मिडिया पार्टनर नेपालगञ्ज ग्यालरी र यात्रा मिडिया रहेका छन् । प्रदर्शनीलाई सफल पार्न खजुरा गाउँपालिका, बैजनाथ गाउँपालिका, नेपाल टेलिकम, नेपालगञ्ज उद्योग वाणिज्य संघ लगायतका संस्थाहरुको सहकार्य रहने जोशीको भनाई छ । क्यान इन्फोटेक २०२५ बाट १५ देखि २० लाख बराबरको कारोबार हुने अनुमान समेत गरिएको छ । त्यसक्रममा नवीनतम प्रविधिको प्रदर्शनी गरिनुका साथै विशेष छुटका अवसर समेत हुने जनाइएको छ ।

प्रदर्शनी सूचना प्रविधिसम्बन्धि चासो राख्नेहरुको लागि यस क्षेत्रमा भएका विकास तथा प्रयोगका बारेमा जानकारी लिने विशेष थलो हुने विश्वास रहेको आयोजक क्यान महासंघ बाँकेले जनाएको छ । पत्रकार सम्मेलनमा नेपालगञ्ज उद्योग बाणिज्य संघका अध्यक्ष टंक बहादुर धामी, क्यान बाँकेका संस्थापक अध्यक्ष सञ्जय थापा लगायत पदाधिकारीहरुको उपस्थिति थियो ।

प्रकाशित मिति: बुधबार, माघ ९, २०८१ १९:३५