यो संसार पनि कस्तो कस्तो ?

संस्कृति-साहित्य

गृहपृष्ठ
संस्कृति-साहित्य
यो संसार पनि कस्तो कस्तो ?

यो संसार पनि कस्तो कस्तो ?

शनिबार, वैशाख ९, २०८० बागेश्वरी पोस्ट

डी.बी. दङ्गाली

यो संसार पनि कस्तो कस्तो ??
कुनै कुरा जानेर पनि नबुझे जस्तो
कुनै कुरा बुझेर पनि नजाने जस्तो
उही कुरा एक ठाउँमा महङ्गो अर्कोमा धेरै सस्तो

कहिलेकाहीँ यसो सोच्दछु
यो दुनियाँ त केवल शब्दहरूको डंगुर रैछ
किनकि
मलाई मनपर्ने चिज तिमीलाई मन नपर्ने
मेरो जुन कुरा ठीक तिम्रो त्यही बेठीक
जसमा मेरो हार त्यसैमा तिम्रो जीत

तिमी पास, म फेल
म पास, तिमी फेल
उही ठीक, उही बेठीक
समय भन्ने जेनिस छ र पो
दोष जति सबै
यसैलाई लगाइदिम भन्ने हो
नत्र न मलाई, न तिमलाई

यथार्थ त कस्लाई थाहा छ र साथी यहाँ ?
खाली अनुमान मात्रको भरमा हो
समय समय कि............है
मुर्गि मारे...........है ।
थाहा पाए न महङ्गो कसैले किन्छ !
न अपजस कसैले लिन्छ !!
संसारै बिचित्रको छ त अनि !!!

प्रकाशित मिति: शनिबार, वैशाख ९, २०८०, १४:५१:००