मंसिर ९ गते हुने नवौं धारा नेपालगञ्ज म्याराथनको तयारी पूरा

खेलकुद

गृहपृष्ठ
खेलकुद
मंसिर ९ गते हुने नवौं धारा नेपालगञ्ज म्याराथनको तयारी पूरा

मंसिर ९ गते हुने नवौं धारा नेपालगञ्ज म्याराथनको तयारी पूरा

रेकर्ड बनाउने धावकले लण्डन म्याराथनमा सहभागी हुन पाउने

बिहीबार, मंसिर ७, २०८० बागेश्वरी पोस्ट

नेपालगञ्ज । मंसिर ९ गते शनिवार हुने नवौं धारा नेपालगञ्ज म्याराथनको तयारी पूरा भएको छ । नेपालगञ्जमा आज पत्रकार सम्मेलन गरेर आयोजक क्रियटिभ ह्याण्डसले तयारी पूरा भएको जनाएको हो । त्यसक्रममा रेकर्ड बनाउने धावकले लण्डन म्याराथनमा सहभागी हुन पाउने जानकारी समेत दिइएको छ ।

नेपालगञ्ज म्याराथनका संस्थापक अध्यक्ष टीएस ठकुरीले गत वर्ष एशोसियसन अफ इन्टरनेशनल म्याराथन एण्ड डिस्टेन्स रेश (एम्स) बाट मान्यता पाएको र गत वर्षको रेकर्ड ब्रेक गर्ने धावकलाई लण्डन म्याराथनमा सहभागी गराइने बताए । त्यसका लागि धारा नेपालगञ्ज म्याराथन र नेपाल रन युकेबीचमा समझदारी भएको छ ।

नेपालगञ्जमा म्याराथनको पुरस्कार राशीमा पनि बृद्धि गरिएको छ । म्याराथन विजेताले दुई लाख रुपैयाँ पाउने भएका छन् । गत वर्ष एक लाख पचास हजार रुपैयाँ दिइएको थियो । दोस्रो स्थानका लागि एक लाख, तेस्रोलाई ५० हजार, चौथोलाई २५ हजार, पाँचौलाई १५ हजार, छैठौलाई १० हजार, सातौं र आठौलाई ५र५ हजार पुरस्कार राखिएको छ ।

हाफ म्याराथन (महिला) मा प्रथम हुनेले ७५ हजार पुरस्कार पाउनेछन् । दोस्रोले ५० हजार, तेस्रोले २५ हजार, चौथोले १५ हजार, पाँचौले १० हजार, छैठौं, सातौं र आठौंलाई ५र५ हजार पुरस्कार राखिएको छ । १० किलोमिटर महिला र पुरुषतर्फ शीर्ष तीन जनालाई ३० हजार, १५ हजार र १० हजार रुपैयाँ पुरस्कार राखिएको छ । स्कूलस्तरीय ५ किलोमिटर दौडमा शीर्ष तीन जनालाई ५ हजार, तीन हजार र दुई हजार दिइनेछ । यसमा बाँके र जिल्ला बाहिरका विद्यार्थीलाई समेटिएको छ । कक्षा ६ देखि ८ तथा ९ देखि १२ कक्षाको अलग अलग स्थान निकालिएको छ । ह्वीलचियर दौडमा पनि पुरुष तथा महिलातर्फ शीर्ष तीन जनालाई पाँच हजार, तीन हजार र दुई हजार पुरस्कार राखिएको छ । किड्स रनतर्फका विजेतालाई शैक्षिक उपहारबाट प्रोत्साहन गर्ने ठकुरीले जानकारी दिए । कर्पोरेट पाँच किलोमिटर दौडमा विजेतालाई पदक र विभिन्न आकर्षक प्याकेजबाट सम्मान गर्ने तयारी गरिएको छ ।

नेपाल सरकार र तत्कालीन सशस्त्र माओवादीका बीचमा मंसिर ५ गते भएको विस्तृत शान्ति सम्झौताको स्मरणमा नेपालगञ्ज म्याराथन हुँदै आएको छ । यसैबीच म्याराथनको अघिल्लो दिन भाोलि ुनेपालगञ्ज कनक्लेभुको आयोजना गरिँदैछ ।

प्रकाशित मिति: बिहीबार, मंसिर ७, २०८० २०:५७