तनहुँ-१ को मतगणना सुरु

राजनीति

गृहपृष्ठ
राजनीति
तनहुँ-१ को मतगणना सुरु

तनहुँ-१ को मतगणना सुरु

सोमबार, वैशाख ११, २०८० बागेश्वरी पोस्ट

नेपालगन्ज । प्रतिनिधिसभा सदस्यतर्फको तनहुँ- १ मा आइतबार भएको उपनिर्वाचनको मतगणना सुरु भएको छ । जिल्ला समन्वय समितिको कार्यालयमा दुई ठाउँमा मत गन्न थालिएको निर्वाचन कार्यालयले जनाएको छ ।

निर्वाचन क्षेत्रका ६९ वटै मतदान स्थलमा रहेका १५२ मतदान केन्द्रको मतपेटिका संकलन भएपछि बसेको सर्वदलीय बैठकले गए राति ११ बजेबाट मतगणना गर्ने निर्णय गरेपनी आज राति साढे १२ बजेबाट मतगणना सुरु भएको हो ।

अहिले मतगणनास्थलमा भानु नगरपालिका वडा नम्बर १० बाट मतगणना भइरहेको छ । मतगणना स्थलमा तारबार लगाएर सिसी क्यामेरा जडान गरिएको छ ।

तनहुँ-१ मा आइतबार भएको उपनिर्वाचनमा ६३ हजार ७ सय ५७ मत खसेको थियो । निर्वाचन कार्यालय तनहुँका अनुसार उक्त क्षेत्रमा १ लाख २३ हजार ३ सय ५ जना मतदाता छन् ।

तनहुँ–१ मा नेपाली कांग्रेसका तर्फबाट गोविन्द भट्टराई, एमालेका तर्फबाट सर्वेन्द्र खनाल र राष्ट्रिय स्वतन्त्र पार्टीका तर्फबाट स्वर्णिम वाग्लेबीच मुख्य प्रतिस्पर्धा देखिएको छ ।

प्रकाशित मिति: सोमबार, वैशाख ११, २०८० ००:५१