सीमामा हुने अवैध तस्करी निस्तेज पार्न निमित्त बाहिनीपति सुवेदीको निर्देशन

सुरक्षा-अपराध

गृहपृष्ठ
सुरक्षा-अपराध
सीमामा हुने अवैध तस्करी निस्तेज पार्न निमित्त बाहिनीपति सुवेदीको निर्देशन

सीमामा हुने अवैध तस्करी निस्तेज पार्न निमित्त बाहिनीपति सुवेदीको निर्देशन

मंगलबार, माघ १०, २०७९ बागेश्वरी पोस्ट

नेपालगन्ज । लुम्बिनी प्रदेश स्थित सशस्त्र प्रहरी बल नेपाल नं ५ बिन्ध्यावासिनी बाहिनी मुख्यालयका निमित्त बाहिनीपति सशस्त्र प्रहरी वरिष्ठ उपरीक्षक ( एसएसपी ) दिगविजय सुबेदीले सीमा नाकामा हुने अवैध तस्करी, चोरी-पैठारी निस्तेज पारी राजस्वलाई बढावा दिन निर्देशन दिएका छन् ।

२२औं सशस्त्र प्रहरी दिवसका अवसरमा निमित्त बाहिनीपति सुवेदीले लुम्बिनी प्रदेशभित्र रहेका सबै जिल्लाका प्रमुख तथा बोर्डर आउट पोष्टका प्रमुखहरुलाई सीमाबाट हुने लागुऔषध ओसारपसार निस्तेज पार्न, अवैध हात-हतियारहरु ओसारपसार तथा अवैध तस्करी नियन्त्रण गरी राजस्व बढाउन निर्देशन दिएका हुन् ।

साथै निमित्त बाहिनीपति सुवेदीले हिंसात्मक कृयाकलापहरुको सुक्ष्म निगरानी गरी नियन्त्रण गर्ने, विपदमा गरिने उद्दार कार्यहरुलाई उच्च प्रथामिकतामा राख्न निर्देशन समेत निर्देशन दिएका छन् ।

लुम्बिनी प्रदेशभित्र बाहिनीबाट गरिएको निरीक्षणमा उत्कृष्ट हुने सशस्त्र प्रहरी कार्यालयलाई प्रशंसापत्र प्रदान गर्नुका साथै बाहिनी तथा मातहत कार्यालयमा बिभिन्न अप्रेसन कार्य, बिपदमा परेकाहरुको उत्कृष्ट तरिकाले उद्दार कार्य गर्ने सशस्त्र प्रहरी कर्मचारीहरुलाई निमित्त निमित्त बाहिनीपति सुवेदीले प्रसंशापत्र प्रदान गरेका थिए ।

सो अवसरमा निमित्त बाहिनीपति सुवेदीले २२औं सशस्त्र प्रहरी दिवसका अवसर रक्तदान गर्ने, विभिन्न खेलकुद विधामा विजयी हुने लगायतलाई बधाई तथा पुरस्कार वितरण गरेका थिए । सशस्त्र प्रहरी बल नेपाल नं ५ बिन्ध्यावासिनी बाहिनी देशकै उत्कृष्ट बाहिनी बन्दै सशस्त्र प्रहरीको २२औं स्थापना दिवसका अवसरमा त्यहाँका बाहिनीपति बिदुर खड्काले उत्कृष्ट बाहिनी अवार्ड प्राप्त गरेका छन् ।

प्रकाशित मिति: मंगलबार, माघ १०, २०७९, १५:२२:००

प्रतिक्रिया दिनुहोस्